(( لا الوجه ذا وجهي ولا القاع قاعي ))

[ناصر حطاب الدهمشي]

السلام عليكم ورحمة الله و بركاته ..

النص وليد اللحظة ما عدا البيت الأول ..


(( شفهم نسوني ))

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
شـفهم نسوني يا زماني وظليت=بين المحال أدسـِّـني عن ضياعي
لا تلومني لو من بـَـعـَـدْهـُـم تخفيت=لا الوجه ذا وجهي ولا القاع قاعي
بغايبهم .. عشت الجنون و تحـّديت=واقع غريب أحاربه بــإندفاعي
عانيت من طول إنتظاري و مليت=أوجيه .. مايوم ٍ سعت لإجتماعي
ياما شكيت إمن الليالي و ظمـيت=صدر السنين المظلمة بإقتناعي
و ياما شموخي طاح بي وإستمديت=من روح جرحي هيبتي و إرتفاعي
وياما ظلالي عافني وإستظليت=سقف الشتات ولا تركني صراعي
اقفـت حياتي عن دروبي و ناديت=يا المقفية راعي لك الله راعي
قلِّي وش اللي يا زماني لي أبقيت=حتى مكاني إختفى عن سماعي
غابوا وأنا من ضيقة الحال غنـّـيت=حزن ٍ يوصـِّـف للغياب إلتياعي
بغيابهم .. لاني بحيٍّ ولا ميت=مجنون .. لو عقلي مع الناس واعي
ضاع الكلام إبطلعت الشمس .. وأقفيت=يم الـمحال أدسـِّـني عن ضياعي[/POEM]

و سلامتكم و مبارك عليكم الشهر أحبتي ..

30/8/1429
5.25 صباحاً
حصري لإبعاد

0
0

ناصر حطاب العنزي