طراااااااااابيل،،،؟

[زويد الرويلي]

السلام على من اتبع الهدى.


متواضعه اتمنا ان تجد لها مكان في نفوسكم...وقلوبكم الطاهره.

تحضنت بكفوفها جمرة الويل=وقامة تنوح وشقت الجيب يدها.

تنخا الفحوله والفحوله طرابيل=وكلا" على صدره يدينه عقدها.

بنت العرب ما عاد باقي بها حيل=تستر جسدها ويتعرى جسدها.

نهارها من نارها منقلب لليل=وخيامها قامت تطايح عمدها.

وعيونها من كثر (مش) المناديل=قام يتزايد في طرفها رمدها.

والغرسها ماعاد باقي محاصيل=
أطفالها كف اليهودي حصدها.

وياأبو (دلال)مبهرات" من الهيل=متى نفل احبالها وانعقدها.

مادام ربك ميز الراس والذيل=خل الأصيله تحتفل في ولدها.

رسالة تزها أكتوف الرجاجيل=اللي على شيل الثقيلات زدها.

اللي تذلل تايه الراي تذليل=عصم الشوارب دخلوها لحدها.

مني وانا منهم بليا تحاليل=أدم وحواء نجتمع في زبدها.

وياجيت أقرب عدلها خوفة الميل=أحفاد من دنياه لله زهدها.

بللغ رسالة خالقه موفي الكيل=وشهد عليها وكل مسلم شهدها.

بأمة محمد نجتمع ياهل الخيل=والقدس منا لا يتعرى جسدها.

وبغداد لايدرع بها جارف السيل=شوفو رغثها مختلط مع جلدها.

اعراض أهلها هدها كثرة الشيل=يوم اليهودي لليهودي جردها.

ولبنان والجولان يدمع لها سهيل=وحنا مدامعنا غبانا جحدها.

أرسلتها قبل احتراق المعاميل=مني الكل المسلمين أعتمدها.

وخليتها تخضع لكل التحاليل=أشارة" والحر الأشقر رصدها.






ولكم الود والورد ‏