اقتباس:
المشاركة الأصلية كتبت بواسطة سعيد الموسى
____
زاجل :
شبعان ضِيقه ، لين صوتي تساقط
__ حتّى تشوّه داخل الصدر عصفور !
ماعاد فيني حمل ساخط .. ولاقط !
__ حتى الذي يجرح له الجرح مغفور !
•
•
__
[1] صِير بخير "
•
•
أنا ماجيت
أناقش حدّ
ولا حتّى أدوّر .. ندّ !
أنا جيت
أنثر همومي ..
بعد
ماضاق فيها الصدر
على هالطاوله ..
أنقش !
ويمكن عني آفتش !
أدورني ، ولو حتى
بعض وجهي !
على هالنقش ..
لو إبره
بين كوم القش !
تخيّل
طاوله بيضاء ..
تكون من البشر
أنقى !
تكون أسمى من الأسماء ..
على هالطاوله
أرسم ..
أنا لي إيد
فيها عيون !
ولي فمٍ يشم اللون !
ولي إذنٍ تضج
ظنون !
وأنا والله " مو مجنون "
بس أتنفس
من أيديني !
وهي تزفر ..
مثل صدري !
وفيها بعض ..
من عطري !
ترى إيديني بعد
تكذب
اذا قالت
" تمام بخير "
وانا احياناً
عليها أعتب
اذا هي
خبّت التفسير !
واناقشها
وانا غاضب ..
وهي أطيب
من التقصير !
ترد بكل حنيّه ..
بلا تبرير أو نيّه !
تكون بخير ..
صير بخير !
*
______
*
[2] حلّ :
جرّب حاجه ماتشبه لك !
•
•
أهرب منّي
أو مِن مَن ؟
لاصار العالم
منجّن !
هذا يشتم ، لجل الحال
هذا يمدح ، لجل المال !
والناس أشبه
بالغربال !
حاجه .. ماتخطر بالبال !
من هو المخطي ؟
من هو تدين ؟
من هو تعفي ؟
من تسأل ؟
من هو يجاوبك ؟
حتّى فمّك
ماهو فمّك !
صاير بس يعانق كمّك !
لوّ " العالم "
يشبه أمّك !
كان الشارع حتّى
يضمّك !
تعتب ليش ؟
تنطر أيش ؟
هذا الواقع / لو بتعيش !
والا لو ينبت لك
ريش !
قلت تطير ؟
ودّك طير !
بتْطير
وتلقى لك غصن !
غنيت
وميّل عاللحن !
بكره يمّل !
وبعده يِحن !
بعده يتعب
لين يطيح !
يتكسّر من هذي الريح !
وين تروح ؟
جرّب روح !
جرّب حاجه ماتشبه لك
يمكن تنظف ..
يمكن تهلَك !
يمكن حتّى تطلع مثلك !
مخنوقه
من كل الناس !
مقتوله ..
من كل إحساس !
______
الله ياخذ هالحراس !
كلٍ جاي ويحمل راس !
ياخي حبّوا !
ياخي غنّوا !
ياخي حسّوا
والا طسّوا !
خلوا العالم .. بس تحب !
فيكم من جرّب
ينحب ؟ |
الله الله الله ياسعيد
ابدعت يامبدع🎶
آخر المشاركات
05-11-2022, 07:00 AM
العرض المتطور
