تسبيحة أغراب

[جمال الشقصي]

\

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا شعر.. يا فمّي المسموم=خذني النواحي بتلحيدي
يوم الخنا تركة الشغموم =صمتي هو أغلى مقاليدي
لا ترتجيني حديث قْروم=رجعيّتي خط تقليدي!
صوفيّة الذات لعنة يوم=يومٍ غدا الكفر تعميدي
وين أستفزّ الشعِر يا قوم=وسقف السما قفل في قيدى؟ ![/poem]
/

 

[جمال الشقصي]

\


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]إلهي: ما ورى عدل السما ميزان لابوابي؟=تشدّقت بظلال الصبح ياما.. والصباح عْتام
كرهت أظهر لورد الناس مطفي.. ذابلٍ.. كابي=تجمّر مذهب الإنسان فيني للرماد أعوام
أنا لوّي قبلت بأرخص الأزلام في ترابي=رفضت أرخص بقدر تراب جدي لخاطر الأزلام!!
إلهي.. يا إلهي.. يا إلهي.. وش هو غيابي؟!=سوى اني حاضر بكل امتنان الذات للأصنام[/poem]


/

 

[جمال الشقصي]

:
:

حزْن..

لكن مو حزين

واعتذر يَا مظفر النواب لين:

يمسي النهر برماد

والقصب يغتال نسناس السنين

لين تزهر في سنا النجمه بلاد

وناصية سوقك.. يقفّلها المزاد

من حواليّ الحدود

نصف وجه
وجه متناصف سجن

وقمت أغنّ

صوتي

وامي

والحمام

لين طارت من تناهيدي سهام!


:
:


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مو حزن.. لكن باموت مْن الجميع=من كسور الأرض الاولى.. واصدقاي
يا تهاني..مو فضا الكون الوسيع=هذي الجدران هي أوسع فضاي
ما ادري ليه الموت باكمامي وديع=ما ادري ليه أحتاج موتي.. ومو معاي!![/poem]

:
:

مو حزن..

بس أستشير المقبره:

هو كذا هالعمر صح؟

لا سما زرقا ولا مشراق صبح؟!

هو كذا الأيام منجلها صلاه..

كلما وجهي سجد فوق الورق..

صارت الدعوات آآآآآآه...!!

:
:


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]مو حزن لكن من الموت آتشجّر=ليلة استنبات بلده للفسايل
جيت أشبّ بحبري اللي كم تغجّر=من دم الأعراف وانسام القوايل!![/poem]

:
:

 

[جمال الشقصي]

:

في فراغ الذاكره:

كنت أطيّر قذلة بلاد الغريب

في نسانيس البراد

سرب من عطر وحمام

يفترش وجه السما خيمة بدو

ما لهم نصل وبلاد!

:
:

في سمومي الفاجره:

عشت أذرّ عروق لاطياني حصاد

واحرس أبواب الخريف

كنت ريف

لا تثنى التين من راس الدوالي

مرت سلال البلاد:

سيف..

سيف!!

واقطفوا مولد عْيالي!!!

:
:

في قصيد وخاطره:

ما كتبت أحتاج يا أرضي حدود

كلها جروحي مَواطن

والطعون السود.. معبر

ما يوديني سوى برا الوجود!

في كلام الذاكرة:

الطعون اللي بسدرة هالنسب

شلتها لاحفادي فراش واسامي

منها خذت الشجر

ومن خيانات القرابه قلت أبا طيّر حمامي!

في طريقي صوب باب الآخره:

ما بقى غير أمسح يديني..

حنيني
ما بقى غير أكفر بشعري

واقوم..

وأشكره!


:

 

[جمال الشقصي]

:
:

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]قم احزم شنطتك.. لم اغنياتك.. واحرق الأدراج=غجر كل المنافي بانتظارك لا يفوت الفوت
إذا عاش الشجر لك حارس وساقيتك الكرباج=من اللي يزعج أقدامك على درب الوداع بصوت؟![/poem]

: