هداوة بحّر !

[عبدالرحمن مازن العطاوي]

.
.

بسم الله الرحمن الرحيم




سـ آكون في ( هداوة بحر ) !



.
.

 

[عبدالرحمن مازن العطاوي]

.
.

بقايا رهينه !

بسألك عن حاجه .! وداعك ذكرته
________ أمانتك ماهو فـي حقـك غبينـه
يوم ان حبّك وسط صدري حفظتـه
________ ليه السفر .! اهداك بحره سفينـه
لكن .! عتابي من عقب جيت شلته
________ من خاطري والدم نشّـط حنينـه !
يالجوهر اللي لاطرالـي سهرتـه
________ يالحب ، ودروب السلام ، وسنينـه
الشعر شفني في حضورك ذبحتـه
________ ضيافةٍ لك يوم جيـت المدينـه .!
والبيت يوم انك رجعـت وآنرتـه
________ عقب الآسى صارت حياته سكينـه
والوقت يوم الوقت جابك شكرتـه
________ وحبيت من شأن اللقا بك جبينـه !
مستقبلي / واغلا طموحي آسرتـه
________ والنفس مابيـن المخاليـق شينـه
ودمعي وعيني والغلا لـك رهنتـه
________ والحب صرت انت العضيد ويمينـه
والمشكله .! صدري إذا اني سألته
________ بين البشر تسمع صـداه وآنينـه
والموت ! لاجاني سؤال وسفهته .؟
________ من عاذلي لاقال صاحبك وينـه.؟
كم لي وطيفك في غيابك سرحتـه
________ والشعر تسهر لك من الشوق عينه
وكم لي ودربك لاشعوري سلكتّـه
________ حزين من شانك دروبه حزينـه !
إنسان لو ماجيـت يمّـه واخذتـه
________ من يرأف بحاله ويأخذ يدينـه ..؟
وإحساس لو صرت بمكاني وعشته
________ إمن الوله قد باح حتـى كنينـه !
تعال ! قـل للنـاس داري سكنتـه
________ وخلّ الوصل ضيفٍ لفى عازمينه
وقلي : وش اللي من تصديك نلتّه
________ وخذني معك دايم بقايـا رهينـه !

.
.

 

[عبدالرحمن مازن العطاوي]

.
.

شوفيك في صدري لك بيوت وقصور
ويفداك ياقلبي في عمري ( قصيدي ) !

شاعرك من بعْدك من العام مقهور
وقولي متى تقرين حتى جديدي !


.
.

 

[عبدالرحمن مازن العطاوي]

.
.

مبطيّ وانا محتاج حتى : سوالفك
والمشكله فـ ظروفنا : يالأصيله !

وإلاالشعور اشلون يقدر يخالفك
وانتي خليله غير ، حبّ وخليله !

.
.

 

[عبدالرحمن مازن العطاوي]

.
.
وين
وين
وين

وين القصايد ووصلك وين
وعيونك السود ياغالي

ارقب ظروفك متى بـ تزين
يوم اني اسهرك بـ لحالي !

.

.

 

[عبدالرحمن مازن العطاوي]

.
.

اخطيت في حق الغلا وآخرك ليل
كنّا سواء واللي ذبحنا غلانا

وقهويتني من حرّ بعْدك فناجيل
وعقبك من اللي بس يسمع ندانا !

.

.

 

[عبدالرحمن مازن العطاوي]

بـ إختصار ، وبـ ( تقصير ) !

الشعر فـ ( امي ) لو كتبناه بيفوق
والعمر لاقلنا فداها ، فداها

وانا ورب الكون ماني ولد روق
إن كانني بنسى واهمش عطاها

 

[عبدالرحمن مازن العطاوي]

.
.






استرجع افكاري ولا لي غلا عنْك
وشوفتك تسترجع لي اللي نسيته !

وإلا انت من زود الغلا لو بثمنـك
ابطيت مما لك غلا ماحصيته !