تعال واكتب حالتك/لحظتك شعراً ..!

[حنان العصيمي]

اجي لك مندفع وارجي عسى قلبك علي يروف

واروح ولا ظفرت الا بهم ٍ منك قافيني

تعبت اطرد سرابك والمشاعر من عطشها وقوف
يصافقها الحيام اللي مثل ثوبي مضفيني

على شانك تحملت المتاعب والاسى والخوف
وعلى شانك جفيت اللي من اصحابي مجافيني

دخيلك لا تخلي هامتي تنزل على المكشوف
وانا لي سمعة ٍ لو جيتها مكسور تنفيني

( ... )

 

[صالح الشملاني]

المشاركة الأصلية كتبت بواسطة حنان العصيمي

اجي لك مندفع وارجي عسى قلبك علي يروف


واروح ولا ظفرت الا بهم ٍ منك قافيني

تعبت اطرد سرابك والمشاعر من عطشها وقوف
يصافقها الحيام اللي مثل ثوبي مضفيني

على شانك تحملت المتاعب والاسى والخوف
وعلى شانك جفيت اللي من اصحابي مجافيني

دخيلك لا تخلي هامتي تنزل على المكشوف
وانا لي سمعة ٍ لو جيتها مكسور تنفيني

( ... )

الله الله تابعوا هذه الذائقه .. حنان .. منفرده جداً
ماأجملك

 

[صالح الشملاني]

تعب كثير !!

 

[صالح الشملاني]

فاقدٍ نفسي ولا ادري ويـن اروح
والدمـوع مـن الحنيـن تهلنـي

كن خطواتي كفن والـدرب روح
وكل هفـوات الطريـق تدلنـي !

من يدوّر لي مـع الايـام بـوح
طـال صمتـي والسنيـن تذلنـي

آآه يا قصـة غرامـي والطمـوح
لي متى هـذا الجفـاف يبلنـي ؟

 

[صالح الشملاني]

الى من ضمك الليل البهيم بحضنه ونمتي
...................................أنا عكسك تماما ً يبتدي جرم السهر فيني !





عبدالله سماح

 

[أمجاد محمد]

مابين صدري والمقابر علاقــات
بالاسم والمعنى ودفن الضحيه
الفرق بإن المقبره تحضن اموات
وانا دفنت اشياء بالصدر حيـه

 

[حنان العصيمي]

المشاركة الأصلية كتبت بواسطة صالح الشملاني

الله الله تابعوا هذه الذائقه .. حنان .. منفرده جداً
ماأجملك

[/center]

بل هو تواضعك أيها الأخ الراقي

 

[حنان العصيمي]

يمكن يضيع الشوق في داخل انسان
ويمكن يضيع انسان من كثرة الشوق

وكم من عيون(ن) بالهوى شانها شان
يسوقها ليل الألم والسهـر سـوق

أحدن شكى همه على فلان وفـلان
وأحدن يعاني مادرى فيـه مخلـوق
( ... )