اقتباس:
المشاركة الأصلية كتبت بواسطة عبدالعزيز العميري
( إستغفار)
ماعرفـْـتي
كلَّ ما فيروز غنت للصباح
وانا ماشي للجراح
جيتي إنتي في الأغاني
تشعلين الحزْن ثاني
وْترحلي مثل السنين !!
وْترحل افـْـراحي معاك
كنت ألوَّح .. مثـْـل طفل ٍ راحت أمَّـه للغياب
وْظل َّمتـْـسمَّـر عـلى الـْباب وْنسى ... تلويحته للريح
جفَّ عمره وصارت سْنينه تطيح !
ظـَـلَّ شارد
تحـْـت ظلَّ الحزْن يقـْـراك بْـكفوفه للنجوم
وْمارجعـتي
وْظلَّ يقـْـراك بـْعيون الحالمين .. وْمارجعتي
لين وصـَّــله الضياع إلى الذنوب
وْصار متبلـَّـد شعور
وْراح لل ...
وْراح لل ...
وْماتذكــَّــر
غير وجْهك
يصحى في عينه وْينام
هذي إنـْـتي بـْـليل مطرح
تعبرين الذاكره بين الزحام
آآآه مدري
من حذفـْـك بـْسكتي حلم وْيماااااااااام
صدقيني
وانتي تدري
لاجديد
لاجديد
من تركتي الحلم بيدين السنين !!
لاتروحي
ليل مطرح يسأل الليله عليك
والألم يعزف
على نغمة مفاعيلن إليك :
على حد الحنين وْذاكرة ارض الاماني الجرْد
________________ وقفـْت اتـْـنفس الضيقه ادنْدن آخر ألـْحاني
بقيت وْما معي إلا ثقاب الذاكره والبرْد
______________ شعلت بْداخلي ذكرى السنين وْكل أحزاني
جلسْت ادْفى على جرحي حزين وْ ما معي اي فرد
__________________ وحيد وْاحْضن الوحْده..أكمَّل نصْفي الثاني
فقير وْماعرفـْت الا مواعيد ٍ خذلـْها الورْد
__________________ طفيت النور يا مريم أخبـِّي وجهي الفاني
قبلت آخون أيامك واخون احْلامنا والنرْد
__________________ كسير وْقارئة حظي بكت اهوال فنـْجاني
على بابك ..سألتك حضْن وعْيونك تقول /الطرْد
_________________ مشيت آجرَّ خيْباتي وْزماني ينـْسج أكـْفاني
ألا تبـَّـت يدين الخوف لا خان الشعور / السرْد
_______________ متى يا فـقـْـد يامذنب.. بتكتب صكَّ غفـْراني؟!
شفتي وشْ سوى الشتات ؟!!
وْكيف هذا الشعـْـر صاير
ردَّ ثاني لـــْـفاعلاتن فاعلات
وانتي إنتي
تتركين الخوف وسْط الجوف وتــْــروحي بـْسكات
ليت تدري
شاعرك اصحاب عمره ضيعوه
انحرف والبارحه اصبح يخونك
في تمام الفاجعه إلا .......... مكان
وبعْـد ماخنـتـك ....صحيت !!!
ابتدى صدري يضيق
وْسال ذنـْـبي من عيوني
وْبين وجـْهي والظلام
كنت أشوفك
والمطر يغـْـسل شوارعنا الحزينه
كانت الدنيا حزن
واتذكرك
اتذكرك
اتذكرك
اتذكرك
مليون حزن اتذكرك !!
وارجع معا ذنبي وحيد
اختـْـنق مابين جدْراني وامووت
أحسب أيام الندَم تابوت تابوت
وانفـثـك مع ذاكرة تشرين
واحْـزان الفقارى الكادحين
وْكلَّ ماحاولـْـت أغـْـفى
وآتوسَّـد ماتبقـَّـى من حنين
جيتي إنتي مْـن السنين
مثل سوط الذنب في صحو الضمير
سااااامحيني
كثر ما دقِّ الندم باب السنين !!
|
عبدالعزيز العميري
لست ادري ماذا اختصر في حضرة هذا الذنب
ولكني اعرفك حينما تكون .. بكامل اناقتك بريء الا من .. الجنون المفرط
وحدها الكتابه .. تغني وتثري الغناء ...
احتفل بك الان في مسامعي ...
وهناك بعيد همس طرق خفي ..
يا مريم لا انكسر غصن الصباح وخانك العصفور
خـــذي من نبــع فداّنك صلاةٍ تغرس التوبه
انا اعرف ينحني ظل الكـلام الوافي المكسـور
ولا يكســر حنين في حنـايا صدر محبـوبه
عسى باكر يمـر الغيــم بيدر تينك المهجـور
وتطلع من بساتينك عناقيــدٍ لنا .... نوبه
..
اعرفك زين
محمد الضاوي يقول :-
مساءٍ والحمام اسراب في صدري
ولا سولفت لك يا مريمي بجناح ..
لك وحشه
خ
آخر المشاركات
03-30-2011, 11:07 AM
العرض المتطور
