من يجـيبه ؟

[سالم الطلوحي]

..

لي وليفٍ رآح واعيتني دروبه
توّها فرقاه تجتاح الصميم

تبت عنه ولا حصل لي عنه توبه
داخلٍ بالله عن افكارٍ رميم

ماغلبت النفس والنفس مغلوبه
يوم ماجنّبتها هـآك النعيم

ماأحسب الساعات بالحب محسوبه
لين صـارت فرحتي حبٍ قديم

واهني اللي بجنبه مادروا به
مادروا كم سيّلت ذكرآه ديم

من يجيبه لو رفعت الصوت نوبه
من يصحّي عرق وفروعه هشيم

منيتي لاسامح الله من غدوا به
مبطيٍ والهم في بعده كريم

واحدٍ مااجل منه إلا عيوبه
كيّة فراقه تجي كيّة غشيم

ماورى شوقي على شوفه عقوبه
جعل درب الشوق يذهب للجحيم

كل ماأسأل لهفتي لـه (وين هو به)
جاوبتني لهفتي لـه (بالقصيـم)

وسلامة قلوبكم

 

[ماجد العيد]

أسعدتني قراءة هذا النص يا سالم ..
أشكرك كثيراً لفرصة الشعر الجميلة هذه ..

 

[مها الحسين]

كل ماأسأل لهفتي لـه (وين هو به)
جاوبتني لهفتي لـه (بالقصيـم)

يالله ياسالم مُربكه حروفك ..
صح لسانك

 

[أكرم التلاوي]

الجميل سالم الطلوحي

هذا النص الشفيف يأخذ بناصية قلوبنا ليعلمها كيف يكون النبض رقيقاً كعزفك
نص جميل واحساس وارف يا سالم أبدعت وأمتعت

مساءك ورد