يغريك حلم الليل ما يغريني

[ظافر الهرمسي الهاجري]

[poem=font=",6,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يغريك حلم الليل ما يغريني =
تفضلي هذي بقايا أحلامي =
:
أحلام لا أرجيها ولا ترجيني =
مثل الضياع المُر جر أقدامي =
:
وعلى متاهات الرضى مريني =
ومدي يدينك للجفا قدامي =
:
خليني أطلع من سجونك فيني =
وأكسر قيودك لو كسرت أقلامي =
:
ما ابيك لو قلتي : تعال أشفيني =
ما ابيك لن قربك يزيد أوهامي =
:
وعلى ( غِرار البُعد ) لا تبكيني =
مليت دمعك وأضمحل ألهامي =
:
صحيح كان الشوق يملى عيني =
لكن غيابك جددك بآلآمي =
:
حتى تخيلتك ورى ضلعيني =
ألم تجسد في قوي أعظامي =
:
وشلون موتي لك ولا تحييني =
وشلون عمري لك وضحك أيامي =
:
ما عاد جمرك للأسف يدفيني =
أن ما حرق روحي حرق هندامي =
:
أنسان ما يتعب لجل يرضيني =
أرجوه يمسح ( لي ) جميع أرقامي=

[/poem]

 

[جُمان]

أُنصِِتُ لَك يا ظافر لأنَّك تأخذنَا دائماً إلى شُعورٍ جميل وشِعر عذب طالما بَحثنا عَنه
رَشيق رَقيق رغم احْتِدام النَّبض فِيه


لك الشُّكر كله

.
.

 

[أكرم التلاوي]

الكريم ظافر الهاجري

نص عذب وحضور مميز بلا شك
راق لي هذا العزف الجميل جدا ً

لك ودي وتقديري

 

[ظافر الهرمسي الهاجري]

المشاركة الأصلية كتبت بواسطة جُمان

أُنصِِتُ لَك يا ظافر لأنَّك تأخذنَا دائماً إلى شُعورٍ جميل وشِعر عذب طالما بَحثنا عَنه
رَشيق رَقيق رغم احْتِدام النَّبض فِيه

لك الشُّكر كله

.

.

أنا يا جُمان

تفضلي

لقد كانت الخمس العجاف ثقيله وكنت فيها هكذا

ولم يزعجني التأخير ، ولن أنزعج منك

شكرا ً لك ِ

وصح بدنك يا جُمان .....

وصباحك جميل

 

[نواف بن جارالله المالكي]

ظافر الهرمسي

سلمت على هذه العذويه الراقيه

وهذه السلاسه المتناهيه

 

[هدب]

ظافر الهرمسي الهاجري

صباحك شعر
اسمتعت هنا كثيرا
لك كل الود

 

[عبدالله العويمر]

ما عاد جمرك للأسـف يدفينـي
ـــــــ أن ما حرق روحي حرق هندامي




ظَافِر

وأنْت تُغْرِي مَن يَقْرَا ُ اسمك بِأنْ يَدْخُل لِيَقْرَا جَمِيْل نَبْضِك

دُمت بِجَمَال

 

[هـيـفـااللاّفـي]

,’

{..ظافرالهرمسي الهاجري

توهج غير مستغرب منك وشعر غير لأنك دوما ً غير

صح لسانك واحساسك يا عذب ~