..كوكب معيض.. اهداء الى نواف التركى

[فالح الدهمان]

اهداء


الى نواف التركى


مع العذر على التأخير






(... كوكب معيض ... )

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
غيّرنـى التجـوال يانقـوة البـيـض=وماغيّـر فـوادى لواهيـب قيـضـه

سنّيت عمرى فـى ليال(ن)دواحيـض=قرى محطـات(ن) خـلا تـل فيضـه

تركض بى الايام فى كوكـب معيـض=بيّـاع شـرا والمكاسـب بهيـضـه

وتجارتـى مالـى بهـا أى تعويـض=حصيـل ربحـى للبهايـم قريـضـه

مثلى هميم(ن) موترى كـل ماهيـض=بغنـاى جاوبنـى حنين(ن)يهيـضـه

كنه خـذا منـى سياط(ن)وترويـض=علـى الـدروب الطايـلات العريضـه

مل السفـر يومـى أسنـه بتعريـض=لين استوى هرم(ن) عزومه خفيضـه

حلمه يريح مـن الشقـا والعواريـض=وأنا أبى كبد السمـا عـن حضيضـه

لى فى قصيـات الغياهـب نضانيـض=عندى أمـل منهـا دليلـى وميضـه

يمر بى وجد(ن) علـى يمتـك فيـض=والا الحفر عايـف شتـاه ومقيضـه

واد(ن) ملوه الناس حسد(ن) وتحريض=فيه انقطـع نبـت الحيـاة ونفيضـه

مانى بمرهـف للعتـب والتخاويـض=سمعـى ومابغـى قولتـك ياغميضـه

أمس جهشت أمى وصـدت بتغميـض=ثم عاتبـت حالـى وكانـت مريضـه

وش قيمتى لاصرت شاعر معاريـض=أطرق سخا جـود النفـوس البغيضـه

تكفخ بنفسى زومة الفكـر والغيـض=مكافـخ الحـر الـنـداوى بغيـضـه

حياتـى حيـاة الطالبيـن النواهيـض=الصايمـات نفوسـهـم بالفريـضـه

تفرقت عشـق(ن) ورزق ومراكيـض=أيامـهـا باحـلامـى المستفيـضـه

هـذا زمـان التافهيـن الروابـيـض=متماشى(ن فيـه النقيـض ونقيضـه

وشعرى غريب(ن) لوفهمتيه بيفيـض=دمعك وجرحـى تشعريـن بجضيضـه [/POEM]

فـالــح الـدهـمـان

 

[سعد مسهوج]

فالح صح لسااااانك



رائعه من شاعر اروع







تقبل مروري ..

 

[سلطان ربيع]

أهلا يافالح
ويسلم نواف التركي
الذي جعلنا نحلق معك
دمتما بخير

 

[فالح الدهمان]

المشاركة الأصلية كتبت بواسطة سعد مسهوج

فالح صح لسااااانك



رائعه من شاعر اروع







تقبل مروري ..

سعد مسهوج

الله ايحييك


تشرفت بمرورك

 

[فالح الدهمان]

المشاركة الأصلية كتبت بواسطة سلطان ربيع

أهلا يافالح
ويسلم نواف التركي
الذي جعلنا نحلق معك
دمتما بخير

الله ايحييك

ياسلطان


تشرفت بمرورك

 

[محسن الدويخ]

هذا زمان التافهين الروابيض

الله عليك


ذكر الرسول صلى الله عليه وسلم من زمن الرويبضه ...وهو ان تسند الامور الي غير اهلها ... واعتقد ان هذا زمان الرويبضه

صح لسانك يا فالح


قصيده وافيه

 

[فالح الدهمان]

المشاركة الأصلية كتبت بواسطة محسن الدويخ

هذا زمان التافهين الروابيض

الله عليك


ذكر الرسول صلى الله عليه وسلم من زمن الرويبضه ...وهو ان تسند الامور الي غير اهلها ... واعتقد ان هذا زمان الرويبضه

صح لسانك يا فالح


قصيده وافيه

صدق رسول الله صلى الله عليه وسلم


بالفعل

زمن الرويبضه


الله اايحييك يامحسن الدويخ

تشرفت بمرورك

 

[نواف التركي]

مليون هلا


أتيت كـ حضور أول

فقط
لهذا الحضور البهي


ولي عوده للنص

بيض الله وجهك يا فالح