صالح الشادي

[ميــرال]

وينك يالفرج

يوم ضاقت ..

قلت وينك يالفرج ..؟

قال : جيت ..

وشفت حولك ألف صاحب ..

وخفت أسبب لك حرج !!

إرتكيت ..

بس وين اللي يشيل الحِمل وينه ..

وين ذاك اللي ذخرته للظما قطرات .. وينه ؟

وين أبو الفزعات عني ..

ما قدرت ألقاه وينه ؟

من لمحني فوق كفّ الموج .. فضّ

كسَّر ألواح الرجا بيني وبينه !!

حزّ نفسي ..

غصّ في حلقي .. ورضّ

كل ضلعٍ لي معاه .. وغضّ عينه !!

يحسب إني مِتّ همّ ..

ولا درى إني حيّ لكن ..

مِتّ من خنقة يدينه !!

يالفرج ..

صاحبي ما شفت زوله ..

من فقدته فيوم شِدَّه ..

بس لو جاني على قلعة عيوني ..

حالف إني ما أردَّه ..

والمودَّه يالفرج .. هيِّ المودَّه ..

صاحبي .. مالي بصدَّه ..

صاحبي .. روحي عرينه ..

ولو نصاني والنواصي عشب قبري ..

والله إني غصب لآحيا .. ثم أعينه !!

إرتكيت ..

وطحت ..

والجلمود .. ناخ .

آه يا كذب الليالي البيض ..

آه يا ظلم السباخ ..

من مشاها ولا وراه زنود تبري الكبد .. داخ .

يا كثر ما خيِّبتّ .. ظنّ اللبيب ..

ويا كثر ما غيِّبتّ .. وجهٍ قريب ..

ويا كثر ما شاف منها ..

صافي النيَّه .. وشاخ .

إرتكيت ..

و أثر ظِلِّي ما يمون ..

و أثرني كومة طعون ..

من غلاة أصحابها ..

ما قدرت أقول : آآآآخ .

لي مبادي ..

وصاحبي .. لوجار منه الجور .. عادي

وصاحبي .. لو هو قتل ذكراي .. عادي

وصاحبي .. لو هو بِخل بِرضاي .. عادي

وصاحبي ..

يبقى العزيز الناصع اللي له ودادي

ودام أنا ستره وثوبه ..

صاحبي .. ما أقول : عنه أبداً ، وتوبه ..

يا هلا به ..

وبعيوبه ..

وبذنوبه ..

يا هلا .

إن وصلني .. ياهلا .

وإن قطعني .. يا هلا .

صاحبي وإلا فلا .

والغلا نعمة كريم ..

وساقها لكلّ الملا .

ويالفرج .. حاول تحبّ .

دام لآهل الأرض ربّ .

ولو تشوف .. أصحاب واجد حول قلبي ..

لا تعاندّ .

السواعدّ من سراب !

والحصايدّ من يَباب !

والشِعرّ .. كذَّاب !

خلّ فِتَّال الشوارب .. عن يمينك ..

ولا تخاف من الحرج .. لو قيل وينك ؟

كلّهم مثلي تراهم .. باالنهاية ..

طالبينك .. طالبينك

طالبينك .. يالفرج !!

ويوم ضاقت ..

قلت وينك يالفرج ؟

قال : جيت ..

وشفت حولك ألف صاحب ..

وخفت أسبب لك حرج .

 

[عبدالله العويمر]

ميرال
كُل الشّكْر لَك ِ

 

[ميــرال]

دقايق صمت إن أمكن
أبـ أحكيلك عن المنجن
عن الغريد في دوح الطرب والفن
عن الإنسان والاحيان والممكن
أنا جيت لسواحل طرفك الساهي
مع أشباهي
من حدود الوطن من حدنا القاصي مع الأردن
أبـ أتعلم لغات العالم الرابع
أبـ أعرف سر ذاك المعجز السابع
أبـ أشرب كاسة الشاهي
وأبـ أقرا حسنك الباهي
أبـ أسمع وش يقول الموج بعيونك وأب أتمعن
يمكن
يمكن أتمدن
وأصير المختلف جدا
معي مسباح فضه من ثمنك أثمن
ألوح فيه قدامك
ومعي شاعر غريب وطيب المعدن
وثوب أطهر من أحلامك
ومعي ريح تشيل أهلي ونفح الشيح والسوسن
ومعي أيضا خيال أيسر وفكر أيمن
وبال بالهوى سالي
وقصيد يفضح هبالي
وقلب أميله يمك
مثل ماأميل عقالي
شمالي غير كل الناس
شمالي مختلف جدا
* * *
أنا يالمترفه من قبل أعرفك وأعرف الكهرب
ضويت الليل بإحساسي وشفت الذيب والعقرب
وزرعت بمهمهات الغيد نوري وقلت لا تغرب
وعلمت الوفا وشلون لا ينسى ولا يكذب
وخاويت الطموح وقلت لا ملجا ولا مهرب
وعانقت النجوم أيام
وعاشرت السهر وأنجب
تعلمت بسنين الصبر
كيف أشرب صميل الحبر
كيف أجمع وكيف أطرح وكيف أقسم وكيف أضرب
وقلت لخاطري غني فلا غيرك لي المطرب
وقلت لناقلات الغيم ولن بالنكد ولن
وقلت لكل عين وعين حرام الدمع لا تبكن
عرفتي ليه ؟
لأني بايع الدنيا
ولأني شاري الدنيا
ولأنك عكس ه الدنيا
ولأني مختلف جدا
* * *
على تغريدة الساعه وصوت التبغ والجمره
أعسعس في عتامي لين أنفس صبحي بفكره
أشب الريح بشراع القلم الأزرق
أجدف لين يغمرني الورق وأغرق
أسافر من سخافاتي
إلى ذاتي
إلى آخر مسافاتي
وأظل الشاعر الأصدق
أظل الخاين اللي خان زيف الحب والعشره
أظل الكاين اللي كان في رحم الزمن قطره
على الفطره
على الفطره
أخوض بغابة الدخان
أهز أغصانه العذرى
أخلي للعدم عنوان
أروض للوهم مهره
وأعزم الفارس أختبره
ولا طالت مساييري
وناخت بي تعابيري
وبددني شقا التفكير
قلت أزين
لأني للشقا مدمن
و جدا مختلف جدا
* * *
علامات التعجب ليه على وجهك بدت تكثر
كأنك تسأليني عن سماري وليه أنا أسمر
وليه إن الشجر أخضر وزهره أحمر وأصفر
وليه إن البلابل في المسا ترتاح ماتسهر
وليه إن الطفل يكبر
ليه الأرض تتفجر
ليه الصدق صار أعنف من الزلزال
أو أخطر
وليه أحب أنا العالي
وليه أموت بالمرمر
بديهيات بديهيات بديهيات
لا أكثر
* * *
أنا هذا أنا
مثل الحزن وسط العزا
عادي
مثل الزغاريد البهيجه بالفرح
عادي
مثل النفاق اللي سكن كل البشر
عادي
مثل المطر
مثل ابتهالات الخزامى والزهر
عادي
مرن ثلاثين علي وكن مامرن
هذا أنا صالح
هذا أنا الشادي
ولكن ..
مختلف جدا






http://www.movn.net/9aal7_alshaadi/dgayg_9mt.ram

 

[ميــرال]

دندنه

(1)
من أرض الملح واللولو
على موجة شعر جتني
وأنا فزيت أهلّي .
هلا بالملح واللولو
شياطين الشعر جتني
وتصافق بي محلي .

وقووووووف ..
أيها الشعر العمودي النحيف !
وقوف ..
ياتفاعيلي .. أنا كلي تجلي .
(قد أتت ..
كالضوء في ديجور أعمى ..)
ياضمير الحزن مهما غاب عنك الفجر ..
أعَرفه .. مايخلي !
والتخلي مو عوايدها ..
هلا برنة قلايدها
على لحن (التغلي ) .



(2)
على رغم التعب فيني بهاللحظة ..
وعلى رغم الغضب ، مسرور ..!
(فلتُحرق الغابة ..)
أناعندي مساحة طفل ، مسترخي مع ألعابه ..
وطافي من زمان النور .
لذيذ هذا الإنبعاث ..
ولذيذ ياذا الذعر من حيرة هواجسها ..
ومن ذاك الشعور .
قل يا الصباح ..
وش غرد العصفور .. ؟
وش ماغرد العصفور
تغريدك هو الأحلى ..
هلا وسهلا .. على رغم الجفا والجور .
هلا باللي ترد ولا تولي ..
والتخلي مو عوايدها .
هلا برنة قلايدها ..
على لحن التغلي .


(3)
تحياتي ..
على آخر هنوف تكتب الشعر /الصهيل .
ضوا القنديل من ساعة ..
وأنا من أربع وعشرين شهر ، وخمسة أيام بلا قنديل .
هناك .. أوجاع ممطورة ظما ..
هناك أرض وسما .. ولا ناس !
قولي وإصدحي : يا ناس ..
يمكن يجفل الحراس ..
ويطلع سيل .
هناك حجار ..
ممكن لو رصفناها نسوي دار ..
ونسرج للأماني خيل ! .
هجوع الخلق يا(قمرة) حياتي ..
والتعب مسحوب من (صنعا ) إلى ارض (الدردنيل ) .
وش اللي تحمل أوراقك من (البلسم) .. ؟
كفاية مانبي نحلم ..
كفاية مانبي تمثيل .
كفاية ماحصل فيهم ..
كفاية ماحصلي من تخلي !
والتخلي موعوايدها ..
هلا برنة قلايدها ..
على لحن التغلي

 

[ضحى الوابلي]

أحبك ... والقمر يشهد
ونجم الليل ياروحي
.
أحبك
. تشهد الدمعه
أحبك
تشهد جروحي
.
اريدك ... لو على عمري
سيوف الحظ مسلوله
.
اريدك ...لو على صدري
عذابك وزع خيوله
.
غرامك صار عنواني
وانا قبلك بلا عنوان
غرامك في هجيري فــيَ
وفي ليلي قمر سهران
.
أحبك
والقمر يشهد
ونجم الليل ياروحي
أحبك
تشهد الدمعه
أحبك
تشهد جروحي




وهذا النّص هو عنوان صالح الشادي في ذاكرة الروح
شكراً ميرال

 

[ميــرال]

http://www.movn.net/9aal7_alshaadi/al_sheeb.ram

في غيبتك
مادورو إلا عذاربيك

 

[ميــرال]

عبدالله العويمر
كل الشكر والتقدير

http://www.sbaek.net/song_listen_1038_1

 

[ميــرال]

تخبيص

http://www.kuwait80.com/voices-action-show-id-1146.htm