{ شظآيآ حلم } .. | إلى روح صغيري يرحمه الله | ..

[نايف السميري]

المشاركة الأصلية كتبت بواسطة ندى القحطاني

[كم نطرتك يا صغيري !!
أحضن كفوفك وأغني :
أنا أمك يا صغيري !!
وأنت بعيوني مصيري !!
وأناغي الفجر في عينك وألمّك !!
وأداري الصبح في جفنك وأخمّك !!
::
::
ومن تمدد ( حبل ) ما بيني وبينك!!

وأنا أشرب ف الحليب !!
رغم ماهو شف أمك !!
بس رغم الأنف شُربي للحليب !!
ويا عسى كل الشفوف تطيح في أقرب جليب !!
المهم صحه وليدي !!
::
::
ومن شعرت إنك ب أحشائي شطيت !!
و امتطيت !!
صهوة البطن و وطيت !!
قمت أسرف ب الأماني ؟!
وما عطيت !!
وفي حساب أوقات جيّه حضرتك !!
ياما خطيت !!
::
::
وكانت الدعوه ( شهور)
بس تسعه !!
وكل شهرٍ في ( ثلاثينه ) يعوووم !!
وما يهم ..
..لو زاد يوم .. و طاف يوم !!

|

المهم ..
إنه بعد تسعه شهور ..
يذوي حزنٍ أنبت همومي / دهور !!
المهم ..
إنه بعد تسعه شهور..
ينحكم للفرح .. إفراج وظهور !!

والمهم ..
أسمع أنا : يّمه .. ولو عدّت شهور !!
المهم أسمع أنا : يّمه .. ولو عدّت شهور !!
المهم أسمع أنا : يّمه .. ولو عدّت شهور !!


/
\
/


بس (حلمي) ..
كان أبعد من شفوفي !!
زاهدٍ دنياه فيني ..
وإعتقاده كان : | صوفي | !!
::
::
يوم يسلبني .. حياتك !!
يزرع ب عيني رفاتك !!
رغم إن أبسط حقوق الحلم فيني !!
بس أتخيل شفاتك !!!!!!
تناغي الفجر !!
تناغي الزهر !!
تناغي وجهي | ،، اللي ينطق ب حزني !!
وتسرق كل تقاسيم الضياع
| ،، اللي ( ترس مزني) !!
وتشحن لي شحوبي ، ب لونك الزاهي !!
وتتورد لك خدودي |
وأجاوز فيك بحدودي :
وأطبع ( قُبلتي ) في فيّك ........
وأتلذذ !!
|صغيري | ..
تو أذوق الشهد من فمك ..
وأتنهد !!
/
\
/


لأن الموت ..
أستحقرْ يصُبّ الفرح في قِربه عيوني حيييييل ..
وأستكثرْ !!
خذاك ..
وأنت باقي في (سرير الغيب ) تتدثرْ !!
::
سرق روحي !!
وأنا أنسجلّه (معاطف ماء ) .. ب أمواجي !!
سرق عيني !!
وأنا ابنيلّه ( ترف ) من حلمي العاجي !!
::
::
وخلاني (غريبه في ديار أهلي)
وفحيح الريح ..
ينبس ب الهبائب صوت يندهلي !!
وأسوق الخطوتين ل عند قبري ..
...............بس على مهلي !!

/
\
/
ورحل عني
رحل عني
رحل عني /
صغيري اللي رحل بسكااااات !!
بغمضه عين /
نقل في (خانه الأمواااات) !!!
وأنا بعده /
بقايا من فتات / إشتاااات !!
ورحل عني ..

إستجداء :


لا تِذْكِّرني ،
بِ { حلمٍ } .. صـَارِ تحتْ أنقاضِ { واقع } !!
[ فعلْ ماضيْ ] !!
وانبنى من حسرته .. جرح [ المضارع ] !!

أتمنى أن تقرأوني بِ عمق
وتتأكدوا أنه {إجتياحٌ شعري} ل أصل ل ذوائقك النقيّّه !!
وإلا .. ف القلب في عنفوان الرضا يتقلبْ
لله ما أخذ وله ما أعطى |
وكلّ شيءٍّ عنده بِ مقدار ،،


[/b]

.
.
كم هنا من وجع/انتماء/شعر/احتضار/حياة ..!
.
.
كل ذلك كان هنا في قالب نصي انساني اخذنا إلى ابعد مايمكن من إلى تعبنا/ارواحنا ..!
.
.

رائعه / ومؤغله في الوجع والشعر .. ندى ..
.
.
جعل الله كل لحظاتك افراح واحلام متحققه ..!
.
.
دمتِ بهذا الوهج ..
.
.


تحاياي