هالكون واسع ليه انا احس بالضيق

[خلف المهيلان]

المشاركة الأصلية كتبت بواسطة عبدالله سماح المجلاد

لكل الغالين في أبعاد وكل من في أبعاد غالين جداً
هو بس انا من بين كل المخاليق
ـــــــــــ اللّـي عَزَاهْ ابْ(ساعة) الضيق حِبْرَه
عينـي شِعِـرْ تبكي رحيل التوافيق
ـــــــــــ وحظّي كسيرٍ مَا قِـوى الوقت جبره
ها لكون واسع :ليه انا احس بالضيق
ـــــــــــ مـَا كِنّـي الاّ سلك في خرم الابره
واللي بكـفينـه لَعَـبْ بـا لمعاليق
ـــــــــــ هَـا جَرْ مَعَهْ من ظلم الايام عبره
أقْفَى وهو ضامي وانا ناشف الريق
ـــــــــــ وفصدورنا لاصوات الاحزان،نبره
(وَدّع) ْوِحَملّني (تَعَبْ) فوق ماطيق
ـــــــــــ مُنْهَك جِسَـد ووجيـه الايام غبره
وانا معلّق في رجا الوقت تعليق
ــــــــــ ومالي على تصريف الاقدار دبره
أدخل بغيبوبه من الحزن وافيق
ـــــــــ والقى زما ني مثل ماكنت اخَبَْره
بالضيقه يجدّد معاي المواثيق
ـــــــــ حتى تحـدّانـي زما ني بكبره
وما دمت انا طير وجروحي مسابيق
ـــــــــ قلبي على ها لضيق يا قوّ صبره
وما دام مـا للطير نـزعه وتحليق
ـــــــــ لا والله الاّ بـا قـي العمر ثَبْرَه
وتدري بخير:الله يحييك يا لضيق
ـــــــــ جيتك جنازة ميّتٍ وانت قبره

الغالي ابوسماح ياهلاوغلا فيك
المبدع حدالادهاش والمتعه النص هذا
اسمح لي بضيفه بمفضلة ذاكرتي
قبل المفضله المتعارف عليها احتاج اني احتسيه
بين الحين والاخر انت تكتبنالنقراك
صراحه وبدون نفاق لنك تستحق اكثر
كل عام وانت بخير والله يبعد عنك الحزن الا حزن الشعر
الي لحظة ولادت نص كهذا نحييه
فيك حتى يخرج من خلاله ماقريت
ودي واحترامي لك
اخوك خلف المهيلان