سيرة احلى حكاية: حكاية موسم 2008-2009

[عبدالعزيز رشيد]

سعد الوهّابي

البرشا رائع لكن مزاجيّة البرشا قد تدمّره):, المشكلة في الهدف الأوّل ومن بعدها ستجد البرشا يحيا تلقائيّا,متى ماقام سيدو كيتا بأدواره الدفاعيّة وقليلا اكسافي تجد ضغط البرشا أكثر فاعليّة وانتظام غوارديولا التفت لذلك وكان حازما بالأمر,ميسي أنيستا نكهة البرشا صدّقني(:,الميلان جاتوزو وامبروزيني أيضا تواجدهم بالخلف أكثر هو ماجعل ضغط الميلان أفضل لو لم يكن جاتوزو موجود لوجدت انفلات بالوسط فلاميني قد يقوم بدوره لكن المشكله لو تقدّم الاثنين في لحظة ما,اليوم رغم قوّة هجوم لاتسيو ماشفت مساحات تسرح بها الخيل مثل مع بولونيا وجنوا لانهم حاسبين حساب لاتسيو
روني قرصه على اذنه وجديّة أكثر(:
وننتظر شيفا
وصباحك فرح
,
_وع فكرة ملخبط تراني البرشا فاز بسداسيه وانا قايل رباعيّة والأكثر من كذ1 جبت وصلة "لمباريات اليوم-من كل يوم):"_

 

[سكر الجرح]

عاد شرهتك عاللي عارف النتيجه وصدّقك

انا ادري إنها سته بس مدري ليش مااعترضت
وإلا نبّهتك

لاهنت ياعبدالعزيز .. عساك سالم ..

 

[عبدالعزيز رشيد]

ماعليه:سكّر الجرح
المشكله شايف أغلب المباراة,ومانتبهت الظاهر من زود همّي للفوز ماهتميت بالنتيجة,مع هذا لين الحين ماجا فوز يشفي القلب صدق ):

 

[مشعل الغنيم]

*

اعذرني يا بو سعود، ما فيه تسمية ثانية تصلح لرونالدينيو غير المهرج (:
يوم جلس احتياط سجّلوا الميلان اربعة وش تسميها؟
هو وأدريانو فقاعات صابون لكن البرازيليين حظهم كبير بالملاعب. يعني لاعب عظيم مثل هيرنان كريسبو يعامله مورينيو هالمعاملة القذرة لأن قدّم موسم واحد سيء في تاريخه وبسبب الإصابات المتكررة، بينما أدريانو يحظى بالتشجيع والاهتمام مع أنه سيء بالملعب ومدمن خمر من ثلاث سنوات!
- طبعاً أنا ما تطرقت لموضوع رونالدينيو والسهرات الليلية وحضور التمرين سكران في برشلونة لأنك متابع أكثر مني للكرة الأسبانية، ولا تطرقت لموضوع الوزن الزائد ولا التحزّب بين البرازيليين في الفريق الواحد ولا دخولهم لمباريات كاس العالم بدون تمارين حقيقية - يعني رونالدو صحيح ظاهرة، صحيح إنّه " إلفنومينو "، صحيح لاعب استثنائي لكنه بنفس الوقت يملك نفس الحقارة البرازيلية الأصيلة، انتقل للريال بعد ما عالجوه الإنتر كما يُعالج الملوك - حسب كلام موراتي - ومع هذا لعب للميلان وسجّل ضد الإنتر واحتفل بهذا الهدف!!!!!!!!!!!!!!
إتق الله يا رجل... يعني بعد ما عالجوا مشاكلك النفسية ومشاكلك العائلية ومشاكلك العضوية تحتفل لأنك سجلت في مرماهم؟ كم جلس مصاب، سنتين؟ ومع هذا ما خصموا من راتبه ولا يورو، وأعدّوه لكأس العالم واحتفلوا بذهبيته لما رجع كأنهم يحتفلون بذهبية إيطاليا! شلون يجيه قلب يدخل على موراتي المكتب ويقول له " يالله أشوفك على خير، أنا رايح للريال ". الأقبح من رحيله للريال أنه انتقل للميلان بعدها واحتفل بتسجيله على الإنتر.
طبعاً أنا أقول هالكلام كله عن أحد أساطير كرة القدم، هذا ما يقلل من شأنه داخل الملعب، بس ياليت تشوف الفرق بين البرازيليين والأرجنتينيين مثلاً: باتي غول، باتستوتا اللي نتشرف أنه من أصول عربية وأنه شرّف الملاعب العربية باللعب فيها قبل اعتزاله، تذكر كأس القارات بالرياض؟ قص شعره هو وكانيجا (الله يذكره بالخير) لأنهم سمعوا بأن العرب محافظين وما يفضّلون الشعور الطويلة، للحين أذكر هالحادثة وما أعرف السبب.. لكن مو هذا المهم، المهم أنه بعد تسع سنوات رائعة مع فيورنتينا انتقل لروما وشاء الله أنه يلعب ضد فيورنتينا ويسجّل هدف.. العالم فرحانة وتتنطط ومصابة بالجنون لكن لما راحت الكاميرا لباتستوتا كان يبكي! دمعت عينه، هذي أول مرة في عالم كرة القدم يحزن لاعب على تسجيله هدف بهالطريقة الواضحة. فيه مثال ثاني، " ريدوندو " للأسف هاللاعب اعتزل، والحمدلله إنه اعتزل.. يا أخي هذا يخلينا نشوف لامبارد قزم، يخلينا نشوف تشافي نكرة، يخلينا نشوف فييرا أهبل. عموماً، لما انتقل من الريال لميلان بخمسين مليون وكانت صفقة العمر للميلانيستا، أصيب بعدها ريدوندو إصابة قوية جداً، تشبه إصابة رونالدو، لكن الفرق بينه وبين الأخير أنه أعاد رواتبه لميلان وقال أنه من الظلم الحصول على هالمبالغ الضخمة وهو برّا التشكيلة!

راجعين، (:

 

[عبدالعزيز رشيد]

مشعل

صدّقني المقارنة ظاااالمة لو تقارن النواحي الاخلاقيّة الأرجنتينيين أغلبهم من أصول ايطاليّة أبناء أسر يعيشون في كيانها وأغلبهم يملكون أسرة بعكس الصعاليك البرازيليين,رونالدينهو كـ لاعب أعرف والله مقداره لانه عطى البرشا شيء ماشفته من سنيييين! استهتاره مخزي يكفي كلام اكسافي عنه لكنّه أفضل بمليووون مرّه من الناكر رونالدو موراتي وع فكره أعتبره من أفضل الرؤساء كان حليييم معه رغم كرهي للإنتر كرهت رونالدو بعد تركه لهم بهالطريقة العنجهيّة ياخي تراه ماهو فوجيا مثلا جاب هدف على كالياري المنظر جدا جدا جدا مألووووف من الـ لاعبين الطليان بالذ1ت حتّى بيزارو رفض الاحتفال بهدفه قدّام البايرن ايتو أبدا لايحتفل امام مايوركا,المسالة عرف مايخرق العرف إلا شاذ مثل رونالدو على كلّ رونالدو لاعب (أخلاقيّا) حقييير جدا,باتي غول آه ياباتي غول فلورنسا تبكييييه وروما تخيّل لاعب تبكيه مدينتين!! ياخي غير يومنه بكى حتّى لما جاب هدف مهم أذكر لـ روما بكى من الفرح ~ واللي يرحم والديك ياخي فرررق ماأتكلّم عن هالأمور والله من جد تحسّسني بالندم كذ1 ):,الارجنتينيين غير غير غير ومعهم الطليان بالنسبة لانتماءاتهم ديل بييرو,توتي,مالديني,.. باتعب لو عدّدت (: تذكّرت كلام كريستيان زانيتي لما رد على دونادوني"انا لاأعرق لـ غير اليوفي",من البرازيليين مافي إلا كاكا ايه كاكا تقريبا هو الوحيد كاكا لوانه مسلم كان قلت هذا "كامل كاكا" (:
,
"كم تركوا جنّات ودٍّ بالقلوب"
ومعك ح ارجع
(:

 

[مشعل الغنيم]

*

ديكو، تشافي هيرنانديز، إيتو (قبل الأنانية)، وحتى المعار إدغار ديفيدز، كانوا هم سبب مستوى البرشا وتنافسه على اللقب بعد الغيبة، روني كان مصاب وهم بالمركز الثامن ومن طلع صاروا الثاني. بعدين نضج ميسي وآنييستا وصار برشلونة أقوى فيهم واخذ الدوري وبعدها وصل لنهائي التشامبينز وفاز على الأرسنال في مباراة غير مفهومة إلى حدٍ ما

رونالدينيو ما أعطى برشلونة شي، هو أخذ أضواء برشلونة بس (:

 

[مشعل الغنيم]

*

هدية منّي لك:


بّي بّي سينيوري

 

[مشعل الغنيم]

*

تخيّل يا عبدالعزيز، رغم التطوّر الإعلامي والمليارات اللي دخلت عالم الكرة، لازالت البرامج الرياضية القديمة هي الأجمل وعالقة في الذاكرة لليوم! تذكر برنامج يوم الخميس الظهر؟ كان اسمه " الرياضة والشباب " إن لم تخنّي الذاكرة. كان يعرض أحداث وأهداف الأسبوع الماضي ويحلل بشكل مبسط مباريات الأسبوع القادم، مع فقرات طريفة عن توقعات الشارع للنتائج. قد يكون هذا البرنامج هو البياض الوحيد في تاريخ القناة الأولى - أو كما ستعرف لاحقاً بـ" غصب واحد " (:
كانت قناة أرامكو (قبل إغلاقها بحجّة: قانون منع الخسائر) تعرض برنامج كروي ثري للغاية فيه ملخصات الدوري الإيطالي والأسباني والإنجليزي والهولندي والفرنسي بالإضافة لنتائج وترتيب الفرق في الدوريات الأوروبية الأخرى. من هنا بدأت حكاية جميلة، تشبه حكايات الأطفال، عنوانها " جوزيبّي سينيوري "
حكاية لن تنتهي (: