وادي الأصوات

[خلف الكريّع]

السلام عليكم ورحمة الله وبركاته ..
وكل عام وأنتم بخير .



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا صاحبي ماني مثل غيري ولاهم يحزنون=أنا : يتيم الشعر ، مالي فيه ند ولا شبيه
انا اختلف عن نفسي ! وهم كلهم يتشابهون ..=واجملهم / اللي فيه شي منّي .. ولا لي شي فيه
أنا اكتب أشيا تختلف عن كل ماهم يكتبون=وهم يكتبون اشياء - تلمس بعضي - وما تحتويه
مثل ( الملامح ) لو تشابه بالصوّر ولا العيون=ما يعني هذا ان التشابه وارد ٍ بين ( الوجيه )
ما دار في خلدي أكون اللي تبون أو ما أكون ..=أهم شي الكل يعرف : كيف جيت ؟ وجيت ليه ؟
علّقت سحري بين / جال الحكمه وسفح الجنون=حتى بقت .. خطوه .. واقول اللي زماني ما يعيه !
ولو ماي اخاف ان الخلايق من كلامي يُفتون ..=كان ابتكر لغه جديده ما عرفها ( سيبويه ) !
يا وادي الأصوات : صنّفني مع اصواتك ( بدون )=صوت ٍ : يراوده الضياع ، وصرخته منـْه وإليه !
منصوبٍ بجرحه ، ولا تركد على حرفه سكون=ولا له بجيلانك ( صدى ) يملك ثمنه ويشتريه
في بحّته / قوافل الحرمان حُبلى بالشجون=وفي لكنته / نفح الشمال و كبريا رجلٍ وجيه
وحده جمع بين السلاطين ومظاليم السجون !=على بساط الشعر ، وتساوت منازل معجبيه
يا مرجهّن الوجد صب بصدري : اطياف ومزون=واختم / على صبح الورق ، واصهل ، وسو اللي تبيه
وامطر تجاعيدي / وجع : عيدي ! مدام انك تمون ..=ولا تبطي بحزني ترى رمد النواظر تحتريه
وخطيّ لا تسقي القصايد كل همي .. لا تهون=خوف الحروف تموت من زود الجزع يوم احكيه !
انا : اخر اطلال الحزن ، وانا : اكبر آثام الظنون=وانا : سجود السهو في غفلة زمان الكابريه !
وانا : الظلال اللي انخلق من غير نور ولا غصون !=وانا : انتصار الجوع في دنيا الثراء وطالبيه
وانا : حكايه لو تسولفها المحاجر للجفون=بالله / لا دمع ٍ تمل ، ولا منام ٍ تشتهيه
شايب ولكني طفل ! قاسي ولكني حنون !=مليون مره طحت ! بس اطيح واقف ، وش عليه
من طول خذلاني – بخلاني - ومن كثر الطعون=قلت : آه يا قل الوفا حولي ويا كثر الوجيه !![/POEM]



خلف

 

[عبدالله الحجيلان]

خلف


رائعه والله




لاهنت صح لسااااااانك





دمت بود

 

[نـــجد]

للأنا فخر هنا
تشهد لها مفردات النص
ويحق لها أن تختال وتتفاخر

هنا فخر للأنا.. بك خلف الكريّـع

 

[سلطان ربيع]

هلا بك ياخلف الشعر كله

مررت للعطر
وسأبقى للشعر

عندما ييظهر أسمك من على هامات الشعر
تتراقص الذائقة
طرباً
وعشقاً لحرفك .

دمت بخير

 

[العـنود ناصر بن حميد]

قصيدة حافله بذات صاحبها

.
.


لنا منك القصيد

ولك منا كل الترحيب

.
.

شايـب ولكنـي طفـل ! قاسـي ولكنـي حنـون !

مليون مره طحت ! بس اطيح واقـف ، وش عليـه

.
.

من طول خذلاني – بخلاني - ومـن كثـر الطعـون

قلت : آه يا قل الوفا حولـي ويـا كثـر الوجيـه !!


خلف الكريّع

أهلاً وسهلاً بك

 

[وائل فهد]

من طول خذلاني – بخلاني - ومـن كثـر الطعـون

قلت : آه يا قل الوفا حولـي ويـا كثـر الوجيـه !

خلف الكريّع

نص مدهش ورائع كروعه حضورك
لاتحرمنا من تواجدك
كن بخير

 

[عبدالله ثويني المانع]

..

خلف الكريع .. لا تأتي إلا مختلفاً

شايـب ولكنـي طفـل ! قاسـي ولكنـي حنـون !
مليون مره طحت ! بس اطيح واقـف ، وش عليـه

نص ممتع لشاعر متمكن , سعدت بقرائته



..

 

[خالد صالح الحربي]

*



خلف الكريّع:
ما أجملها من نرجسيّة.. وثقَةً كتبت ما قرأت..
ميزة هذا النّص أنّهُ يُقرأ.. من كافّة الإتجاهات..
لـِ.. يُعيدك.. أليك.. على جناح " غيمة"..
مُبلّلاً.. بالنّدى والأخضر من الـْ..عُشب.
شُكراً.. ياخلف فقد طيّرت أسراب اليباس.