ســـمــو الأم

[بدرالموسى]

علنا نستطيع



[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا يمه وانخنق صوتي وتكبر في الحزين الآه = ويصغر كل شي غيرك وغيرك ما سكن عيني

يا يمه جيت أبكتبلك من أبيات القصيد أغلاه = ورتبت المشاعر لك وجيـت بكـل مـا فينـي

يا يمه وانخنق صوت القصيد وأشـر بيمنـاه = نطق من هيبتك حرفي يقول ارجوك تعفيني

وقال شلون بكتبها وكيف الهون لي ترضاه = تحت أقدامها الجنه يا عمـي وينهـا ووينـي

يا أطيب قلب بالدنيا وأطهر حب قـد عشنـاه = وأعذب أسم رددتـه وشمتـه فـي شرايينـي

يايمه كل ماألمح يتيم يهزني ببكاه = عسى يومي قبل يومك فدتك الروح وسنيني

وطن ياأم في حضنك تلاشت دمعتي وياه = بضيع بحضنك الدافي دخيلك لاتدوريني

يايمه آمري وانتي لعينك كل شي اقواه = ابي ارضيك يايمه مدام العمر يمديني

انا همي بهالدنيا رضاك وبّرك اتمناه = ولو شلتك على راسي تمنيتي تشيليني

حنانك عطفك وطيبك حنينك عندي وش يسواه = يساوي عندي الدنيا وأحـس الكـون بيدينـي

وكيف أنسى سهر عينك ودمعك كيف أنا بنساه = مرضت وجرّح عيونك سهر وأنتي تداويني

كبر طفلك علـى يـدك بـدا يتعثـر ببمشـاه = الين المدرسـه وأنتـي تودينـي وتجيبيني

حفظت الدرس والواجب تسمعيلي وانا أقراه = طلعت الأول بصفي رفعتي هامتك فيني

يا يمه مهمـا قدمنـا وأكبـر شـي سوينـاه = أظل مقصر بحقك يا ليتـك لـو تعذرينـي

وانا هاللحظه اعلنها واشهدكم امام الله = انا كلي فدا امي الين الموت يدعيني[/POEM]

 

[عبدالعزيز الرميحي]

يا يمه وانخنق صوت القصيد وأشـر بيمنـاه
نطق من هيبتك حرفي يقول ارجوك تعفيني

وقال شلون بكتبها وكيف الهون لي ترضاه
تحت أقدامها الجنه يا عمـي وينهـا ووينـي

يا أطيب قلب بالدنيا وأطهر حب قـد عشنـاه
وأعذب أسم رددتـه وشمتـه فـي شرايينـي

حرف ناصع البياض
مورق الاحساس
الأم هي القصيده الأجمل
مهما كتبنا لن نفي الأم حقها
اجدت التعبير اخي الكريم
كل التحايا

 

[قايـد الحربي]

بدر الموسى
ــــــــــــــ
* * *


بكلّ عاطفة الأرض يكتب عن عاطفة الكل ،
فيُحيلنا إلى أكُفٍ ترتفع ساعة استجابةٍ بـ " علنا نستطيع " .

قصيدة من سموّ عنوانها حتّى نموّ أركانها
تقول الكثير و يبقى الكثير ،
فشكراً لك يابدر .

 

[سلطان الدوسري]

.
.
وانا هاللحظه اعلنها واشهدكم امام الله
....... انا كلي فدا امي الين الموت يدعيني


يالبّا قلبك يابدر ..
ياليتها حيّه واقبّل رجولها 100 مره باليوم ..
صح فكرك وحرفك ونزفك وكل كلمة كتبتها ..
والله من عنوانها انها ساميه بالفعل ..
سلمت .. وسلملي عليك ..
.
.
احتراماتي

 

[هـيـفـااللاّفـي]

,’

,’

الله الله يابدر

أجمل عاطفه وحب ..

البدر ..

تزرع غابات من الشعر

وتتفنن في ارباكنا

البدر

تغيب وتحضر وننتظرك لأننا على يقين بأننا سنقرأ

شي مختلف ..

هنا كان الاختلاف يبهرنا ..


,’

,’

صح نبضك

 

[السندريلا]

أغْبطُ قَلَمَا بِـ مَقْدرتِهِ نَسْجْ احْرفٍ أيْنَعَتْ بِـ الْتَبْجِيِلِ
لِـ أعْظَمِ مَخْلَُوقٍَ عَلَى هَذهِ الْبَسِيْطَة ..

♦.
♦.

جُلَّ تَقْدِيريْ لِـ قَلمكَ / شَاعِريَّتكْ

 

[خالد السويلمي]

يا يمه وانخنق صوتي وتكبر في الحزيـن الآه
ويصغر كل شي غيرك وغيرك ما سكن عيني
يا يمه جيت أبكتبلك من أبيات القصيده أغـلاه
ورتبت المشاعر لك وجيت بكـل مـا فينـي
يا يمه وانخنق صوت القصيد وأشـر بيمنـاه
نطق من هيبتك حرفي يقول ارجـوك تعفينـي
وقال شلون بكتبها وكيف الهون لـي ترضـاه
تحت أقدامها الجنه يا عمـي وينهـا ووينـي
يا أطيب قلب بالدنيا وأطهر حب قـد عشنـاه
وأعذب أسم رددتـه وشمتـه فـي شرايينـي
يايمـه كـل ماألمـح يتيـم يهزنـي ببـكـاه
عسى يومي قبل يومك فدتك الروح وسنينـي
وطن ياأم في حضنك تلاشـت دمعتـي ويـاه
بضيع بحضنـك الدافـي دخيلـك لاتدورينـي
يايمه آمري وانتي لعينـك كـل شـي اقـواه
ابي ارضيـك يايمـه مـدام العمـر يمدينـي
انا همـي بهالدنيـا رضـاك وبّـرك اتمنـاه
ولو شلتك علـى راسـي تمنيتـي تشيلينـي
حنانك عطفك وطيبك حنينك عندي وش يسواه
يساوي عندي الدنيا وأحس الكـون بيدينـي
وكيف أنسى سهر عينك ودمعك كيف أنا بنساه
مرضت وجرّح عيونك سهر وأنتـي تداوينـي
كبر طفلك علـى يـدك بـدا يتعثـر ببمشـاه
الين المدرسـه وأنتـي تودينـي وتجيبينـي
حفظت الدرس والواجب تسمعيلي وانا أقـراه
طلعت الأول بصفـي رفعتـي هامتـك فينـي
يا يمه مهمـا قدمنـا وأكبـر شـي سوينـاه
أظل مقصر بحقـك يـا ليتـك لـو تعذرينـي
وانا هاللحظـه اعلنهـا واشهدكـم امـام الله
انا كلي فـدا امـي اليـن المـوت يدعينـي



بــدر

إنسان يابدر

الله لايحرمك منها ويطول عمرها
ويوفقك لكسب رضاها

لكما السلام من الروح

 

[ميــرال]

بدر الموسى
وهنا الحديث عن العطاء الذي لاينتهي ولايعرف سوى الحب

شكراً لهذا النور