هات لي قصيدة وعلاقتك الـ شعريّة معها

[عبدالعزيز رشيد]

نور
وشرفٌ لي أن يتزامن اختياري مع اختيارٍ لك
تحيّة وشكر

 

[عبدالعزيز رشيد]

لـ [نايف صقر]
بالذات هذا النصّ كلما عبّرت عن رغبتي بـ عودة نايف على نمطه وترك نمطه الأخير أذكر هذا الصّ كـ مثل نصّ نشر قديييما له .

تجيني سوات البرد ولحافي النسيان
ـــــ واصير الضحيه بين بردك ونسيانك
تجيني نسايم ورد باخر شهر نيسان
ـــــ واقول الله الهادي تذكرت خلااانك
كانك كتاب اغمض من حروفه العنوان
ـــــ فيا صعب تفسيرك ويا صعب عنوانك
حبيبي ترفق بي تراني بقاياانسااان
ـــــ مصيره على مستقبله داخل اعيااانك
حبيبي تراك الماء وانا اقصى حشى الظمياان
ـــــ فلا خير في دنياك لا مت عطشااانك
تفنن بعد ما صورك في خلقك الرحمن
ـــــ عشان احترق بالنار لو قلت سبحانك
تاكد لو ان الله غفر زلة الشيطاان
ـــــ حرمك الله الغفراان باسباب نسيانك

 

[الريـــــم]

:





أنا وياه ماندري هوينا بعضنا وشلون
من شفته وأنا أحبة وفجأة صار يهواني

إذا ناظرني بعيونه أنسى كل مافي الكون
إذا جاني وقابلني ... آعيش بعالم ثاني

تسافر بي سواليفه وترحل بي سواد عيون
أموت بطلته وأحيا على صوته إذا جاني

تفاهمنا قبل نحكي قبل مانفهم المضمون
لقينا قلوب مجتمعه تعرف اللي يبي الثاني

تعاهدنا وصل ومحبه والوفي مايخون
ملى عيني بطباعه وأخلاقه وأغناني

عشقته ياعرب سموا هوانا بالي تسمون
حبيبي
صاحبي
عمري
محبوبي
وخلاني



* بندر الرشود



تم الإرسال

13 / 7 / 2007 م




:

 

[عبدالعزيز رشيد]

الـ ريم
كلّ الـ شكر لـ صباح تواجدك

 

[عبدالعزيز رشيد]

لـ [محمّد الدحيمي]
والله مافيه كلام ينقال إلا انّها تمثّل كل إنسان _برأيي_ من أقرب ماقرأت لـ نفسي لـ نفسي لـ نفسي

يعيـن الله يادنيــا تسـوق ايامها الاحزان
ـــــ يعين الله .. وانتي مثل قفـل ضاع مفتاحه
يعين الله .. وجروحي لها في كلّ وقت شان
ـــــ كذوب اللي يقول ان الزمن يـداوي جـراحه
سقى الله يوم انا يمه غريرٍ يزعـج الجيران
ـــــ سقى الله يوم انا طفل يصج البيت بصياحه
سقى الله يوم كان اقصى طموحي لعبة الدنان
ـــــ نهاية يومي المغرب .. واخاف الليل واشباحه
سقى الله يوم انا البسبشت ابوي وثوبه القيطان
ـــــ واقلّد كلّ شي فيه .. حكيه .. جدّه .. مزاحه
واشيل المسبحه مثله ليا هوجس وهو سرحان
ـــــ بيشعر .. واحسب ان اللي عطاه الشعر مسباحه
سقى الله بيتنـا ذاك البسيـط مشقّق الجــدران
ـــــ شجاعٍ يهـزم الغدرا .. يـقـنـديله ومصباحـه
تكحّلنا القناعه .. لاطمع .. لاهم .. لاحرمان
ـــــ واذا جالليل تكفّـينا ثـلاث اخوان طرّاحه
جميع الذكريات اللي غدت في قفرة النسيـان
ـــــ يحاكي حلوها عبره .. بموق العين سبّاحه
خذتني غربة عنوانها .. غربـه بلا عنــوان
ـــــ ابي عقب التعب راحه لقى فيني التعب راحه
رجعت اليوم مثل اللي رجع عقب القنص خسران
ـــــ غدى طيره وجا يسحب سلوقيّه وملواحه
قصيده مابعد مرّت ببـال مساعد وضيــدان
ـــــ هواجيس ابـدويٍ هايمٍ في عشق فلاحه
وروح ٍ تايبه كانت تبي لذنوبهـا غفران
ـــــ خطاي اني كتمت اسرارها بعيون بوّاحه
تقولين المطر ماهوب .. يمّـه دايمٍ هتّـان
ـــــ اجل معذور قلبٍ في همومه ضاعت افراحه
انا يمّه غلطت ولانـي اول واحدٍ غلطان
ـــــ ابونا آدم من الجنّـــه خرج باسبـاب تفّاحه
خذلك الوقت فيني ماخذلـتك ياأعز انسـان
ـــــ وش الدبره ؟ وحظّي صار قفلٍ ضاع مفتاحه

 

[الريـــــم]

المشاركة الأصلية كتبت بواسطة عبدالعزيز رشيد

الـ ريم
كلّ الـ شكر لـ صباح تواجدك

عبدالعزيز ..

وكُلْ الشُكْر لك على هذه المساحة الأكثر من رائعة
عُذراً لأني لم أشكرك .. فقط سقط ذلك سهواً


صباحك عيد
وكُلْ عام وأنت أجمل






:

 

[الريـــــم]

من أجمل ماقرأت من الشعر النسائي لـ آلاء الشريف


ياهمهمة درب بالأغراب مسكون
لأهدابها سال التعب من ظلامـي

ياهيه ظلمك ظلم وطعونك طعون
والشوق في جرد الضلوع مترامي

ياكثر مامرت على بالي ظنون
وضيفتها دمعي ولذة منامـي

واللي يبي يبعث للأحرار قانون
في مخلبه ياخذ حقوق القطامي

دفنت أمسك في تعب حرف محزون
ورميت نفسي في غياهب مرامـي

ياهيه لوعات الظما مالها لون
وعمر البحر مابلل عروق ظامي



:

 

[عبدالعزيز رشيد]

الكريمة \ الريم
نور حضورك وجمال تواجدك أجمل شكر
كلّ الشكر لإضافاتك وأيامك أعياد مسرورة