غُربة ..

[نوف مطير]

عزله وحزنٍ بعثر اوراقه شتات
رحت اجمع احزاني واهلّ الدمعتين

وليلٍ يلوّح فوق متنه ذكريات
تعبت اسافر في غياهب صورتين

وانا طبوعي تغلَب ظْروف الحياة
اضحك وتضحك لي وجيه العابرين

لكنّه الشوق اربك الخاطر وبات
غربة وشوقٍ فوّر احساسي حنين

وغصّة تجرّعني مشاعر وامنيات
يا ليت ما بالعمر بُعد وراحلين

ملّيت اودّع واخفي الدمع بـْ سكات
وصدر المسافة بالقسا عيّا يلين

وذكرى توقّف لي على جال اغنيات
لـ لمّت اخواني وابوي فـْ كلّ حين

لـ امي ولـ اسمي مع دعاها فالصلاة
ولبيت لملم به تفاصيلي سنين