مُتنفس .. شِعري !

[صالح العرجان]

المشاركة الأصلية كتبت بواسطة فيْصَل الصَقّار

مطولها تسقيه لعبٍ ولهوى .....!
‏وتردم على المفواح ريح المعاميل"

‏وتقعد مزاج اسما يقوم يتقهوى
‏ويقطع نِفَسْهَا بُن ما خالفه هيل !

‏تسمع لريحتها ندا ما يترهوى ..
‏يعزم على فنجال يسوى فناجيل

‏ #بأنفاسها_تنتحر_العطور

صح لسانك

رد ود

 

[فيْصَل الصَقّار]

المشاركة الأصلية كتبت بواسطة صالح العرجان

صح لسانك

رد ود

صح بدنك وشكراً على التفاعل اخي صالح

 

[فيْصَل الصَقّار]

الشعر له كم يوم خاطره طايب ..
‏من هشتقة واحد ومن ألف رتويت

والبال لا كثرت عليه الطلايب …'
‏كن يركبه مليون مليار عفريت …

مقعادي بالتايم يجيب المصايب'
‏ومالله موازيني على قعدة البيت.

 

[صالح العرجان]

/



يوم اني أسجّ بين ادري وما أدري
عقب البطا جاء يقول الدار وشلونه

قلت أنت دارك هنا وأشّرت في صدري
قال أنت دارك هنا وأشّر على عيونه

 

[فيْصَل الصَقّار]

راحل ويبقى من الأثر ما روى عنه
‏يحسب حساب إنه عن الكون راحل

‏وجت بنت صبّت / كفكفت دمعةٍ منه
‏وعاش الطفولة في جميع المراحل "

‏واستوطنت من حبّته حول أماكنه '
‏غَرْقَت ولا حوله يدين وسواحل ….'

‏شاعر بلاه الله بطيبه ومعدنه .…."
‏حتى غدا من غدر الأيام ناحل ..…'

 

[صالح العرجان]

/


مثل ارتعاشة غصن من نفحْ نسمه
يفز قلبي كل ماجيت في البال

مدري هو أسمه حب وإلا وش أسمه
أصعب شعور اللي من الصعب ينقال

 

[صالح العرجان]

/

مالت اقلام القصايد .. من رحلت
...................... وامتلت بالحزن / مثل السنبله

وانكسر صوتك بحنجرتي / وقلت
...................... يذكر الله تين وصلك .. ما انبله

تقتل الفرقا / وانا فيكـ .. انقتلت
....................... لو ما للفرقاااا / دوّي القنبله

 

[صالح العرجان]

جيتك سؤال بصفحة الليل عنوان
ودي أعرف من التعب وش بقالي ؟