هي كذا
يــ اللي سئلتي عن شعوري
أكتبك ؟
ماهو ضروري
ظلم يغتاب الطهاره هاجس (ن) يرضي غروري
يا أطهر ذنوبي مع اني
من عرفتك و احتويتك
استغليت الظروف
وما اقترفتك
# # #
من عرفتك
كانت الفرقى و كنتي
شامخه
في عاجي احلامي سكنتي
الوله كله لك انتي
و ما لقيتك
# # #
من هويتك
و أجمل أحلامي غلاك
العمر ماهو فداك
العمر فدوهـ لحلم(ن) ما تحقق
ايه و الحلم ان تحقق . . صار عادي
و صرت انادي .. مات حلم .. مات حلم ..
عدي اللي بيننا
احداث فلم / مسرحيه لا فصول ولا نهايه
أجمل الحب البدايه
و بيني وبينك حكايتنا حكايه
لو يترجمها قصيدي
اصبح الاعذب جديدي
ظني مفتونك يعاني كان كل الظن اثم
كيف اعاني ؟
و انتي اجمل ما يصاغ من المعاني
كيف اعاني ؟
أمنيه انتي ولا كل الاماني
إيه يا أجمل حلم عشته
اصرخي في القلب: ته .. ته .. ته
و لو يتوه القلب فدوهـ
للبدايه / لأجمل الحب / لعيونك
# # #
و الله انك فاتنه يا فاتنه
لكن .. حكايتنا حكايه
لا يجسدها جديدي
لا يخلدها قصيدي
ما يعري الشاعر اكثر من قصيدهـ
موغله في البوح الى حد الجنايه
آآآآآآآهـ يا انتي فاتنه حد الغوايه
و الحكايه بيننا
ما يختزلها شعر و اشواق و معاني
آآآآآآآهـ و اتذكر اغاني
اغاني
تختصر كـــــــــــل السوالف بيننا
و ما تختصرني
تعتصر فيني الالم
ترقص له جروحي / تغني
لـيــــــــــــــن احس ان الحزين من الاغاني
كان مكتوب(ن) عشاني
و اشعر اني طفل من صلب الانين اللي ملى الدنيا
و لكن بـــــ التبني
بس انا و ان كنت اعاني من تباريح الاغاني
ما اشوفك غير تذكار و تهاني
و إنك أجمل حلم عشته و احتواني
يا عساني دوم الاغلى
في خفوق(ن) من هجرني / من هجرته ما نساني
يا أطهر ذنوبي مع اني
من عرفتك و احتويتك
استغليت الظروف و ما اقترفتك
امتطيت اعذب كلام و ما كتبتك
عذري انك فاتنه يا فاتنه
# # #
ادري اني
مع حروفي و كل عشاق القصيد
صرت اناني
مع خيالي و دمي اللي في الوريد
صرت اناني
ايه اناني/ ايه اناني / و ايه اغار
و لجل ابرهن غيرتي و اثبت غلاك
ما اقترفاك . . لا و لا حتى كتبتك
المشاعر جت كذا
و الشعر يمكن لو كتبته
ما يعبر عن شعوري
لا و لا يرضي غروري
هي كذا يا فاتنه و الغايهـ اني
الجم الشوق.. من يامن شعور القوافي؟
...................... احبس الدمع لا تلقى العواذل دليل
اتعب الخوف . . ما كن الخوافي خوافي
........................ نعـنـبـو الحب كان العاقبه للذليل
ادمي الشوك و اقدام الرجــاوي حوافي
....................... لا ثناني الفراق ولا فــ بالي بدليل
بس مدري تجي شيمه على كيف وافي؟
........................ او تحول الليالي بين خل و خليل؟
تحيااتي لقلوبكم
آخر المشاركات
06-03-2007, 10:11 PM
كـيـف أعــانـي ؟
العرض الشجري