.
يا بنت ربي يسعدك دايم الدوم
ويديم بهجة خاطرك وانشراحك
ويجنبك درب المشـاريه واللوم
ويسمّح افكارك ويكتب صلاحك
الوقت في صدره حكايات وعلوم
فيها عبر ودروس تضمن نجاحك
شدي زمام النفس وابليس مخزوم
وارقي على الحشمه ورفي جناحك
النفس تطرب للهوى لحن ونغوم
اما نهيت ِ النفس والا استباحك
في الدين راحه وانشدي كل مهموم
تلقين من عقب الهموم ارتياحك
تاج الشرف يابنت غالي ومحشوم
حذرى .. تلاعب به هبايب رياحك
الصبر للصـابر مسافات وعزوم
تزيني عقب الصبر في وشاحك
لو تخفي ايام الصبر رزق مقسوم
برق الفرج في ليلة السعد لاحك
لا تخـدعك ضحكه ونزوات وحلوم
ياكم تبادى الشر من سن ضاحك
اخشى ينوشك بالغدر ناب مسموم
تطرف له الفرصه بلحظة مزاحك
يرميك من عقب العشا .. زاد مذموم
ولا يفكر في عنــاك ومطاحك
من عقبها كلن يعـافك من القوم
واهلك من الفشله تمنى رواحك
اصحي وصحي غي قلبك من النوم
من قبل سيف الغدر يثخن جراحك
.
آخر المشاركات
01-09-2015, 02:12 AM
اصحي .
العرض الشجري