يارب وش ذا الغربه اللي إحتوتنـي
ــــــــــــــــــ وأنا بوسط أهلي وبيـن الجماعـه
.
.
أحاول أقهـر غربتـي وإقهرتنـي
ــــــــــــــــــ تعبت ألم الحزن وأطوي شراعـه
.
.
ألم بعضي ليـن مـا كـل متنـي
ــــــــــــــــــ وأصبحت أمثل من يضيًع متاعـه
.
.
أحاول أدفع عبرتي اللي إخنقتنـي
ــــــــــــــــــ من شان من حولي مع اهل الإشاعه
.
.
تعبت أجاري طفلة(ن) وهقتني
ــــــــــــــــــ أضحك لها وأقول سمع (ن)وطاعه
.
.
إن رحت عنها ياخلايـق بكتنـي
ـــــــــــــــــ وإن جيتها بتمل في ظرف ساعـه
.
.
لاني قريـب (ن) لا ولا بعدتنـي
ــــــــــــــــــ تلعب على قلبـي بفـن وبراعـه
.
.
من كثر ماهي بالهـوى لوعتنـي
ــــــــــــــــــ حالي برى كلـه ولا بـه مناعـه
.
.
اليوم لي شهريـن مـا كلمتنـي
ــــــــــــــــــ ولاعاد تنفع واسطـه أو شفاعـه
.
.
قولوا لمن تشبـه ملامـح برتنـي
ــــــــــــــــــ الطعن غايـر لا تزيـد إتساعـه ..!!
آخر المشاركات
04-27-2013, 07:45 AM
العرض الشجري