معانقة السديم

[علي الحسني]

من القديم
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياشعاع الشمس عانقت السديم = السديم اللي يلاعبه الهوا
منتهى الرقه ويجرحه النسيم = واحتوى في رقته سر القوى
كيف بوصف منظرٍ وصفه عديم = يجمع الوان الطيوف المحتوى
ذاب قلبي فيك عاشق مستهيم = فوق نارك شب ناره واستوى
والعنادل لحنت لك بالرنيم = أجمل اشعار التشبب والهوى
انت من قلبي مكانك في الصميم = في سويدا القلب غيرك ماضوى
وانت في حلـي وترحالي مقيم = ماتفارقنـي ولو طـال النـوى
وانت كيفي وانت كاسي والنديم = وانت فرحي وانت جرحي والدوا
كنت بخفي عنك إعجابي القديم = غير قلبي مايطاوع ما قوى
لامني شعري تعبت من المقيم = كيف تتركني مكبل بالجوى
قلت له خذ راحتك والله عليم = إن قلبي منك باقي ما ارتوى
[/poem]