غفوة فكر

[عبدالله العتيبي]

مدخل :

ينام آلشعر في حضرة جنابك مستريح آلبال
تعود لا بغى يرقد على حكآيات همهمتــــــــك

[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
الدمعة اللي طاولت خد الأيام=جفت محاجرها كثر ما هدرته
ذابت على جال الرجاء كل الأحلام=مارد عفواً شعري اللي شكرته
الورد ماعطرّك من ريح الاوهام=دنقت لرياح الظنون وعبرته
بعض الذنوب اللي غفرته من العام=ما تغفر ذنوب السنة لو غفرته
كثير حزني صار يلهمني إلهام=صار الفرح لو يذكرن ما ذكرته
هايم بدرب التيه والشوف مادام=قدّيت نفسي في ظلام وسبرته
اتبع ضمأ واشد بالماضي احزام=مره رقيت الصبر مره حدرته
تطيح من وجه التعب سكة آلام=في خطوتي عمر الأمل ما انتظرته
ذكرى لها في غفوة الفكر مرسام=لثمت كاس الفكر ياما سكرته
ايام راحت بالعمر ياهي أيام=اجمل تفاصيله بروحي بذرته
ينبع من الجوف الأسى وجد وهيام=ما يوم مريت الحزن ما حقرته


[/poem]

مخرج :
جفاك يبعثرآوراق آلحنين وينهي آلامال
صدآه جروح بآبيات عن آلتجريح حاشمتك