الورعـــــــــــة !!

[شقران الزيادي]

. . . الورعة: . . . . الصدام الحضاري بين ابن البادية والمدينة لا ينتهي بالأنوار المضاءة بل يبتدي بوجل فارس من فرسان الصحراء يقدم على المجهول هكذا واجهت.. المدينة وهكذا كانت تفعل الورعة بغيرة ابن البادية تستلذ اثارة الغيرة وانا ما داني مدخل : والله كيدهن لذيذ ... . . تمديد عفواً قصدي تمهيد:بعض المشاهد مفيركة! . . . [poem=font=",6,silver,normal,normal" bkcolor="black" bkimage="" border="none,4," type=2 line=0 align=center use=ex num="0,black""] تزرق عيـن وتسقـط أول دمعـه=وامـد ( يـدي لـي ) ولا القانـي اوقد ضيا المجنون وازهم ربعه=واستحضر الوقت الجميل الفاني البارحة غلطة عمـر يـا الشمعـة=اوقدتي نـور الذاكـرة واسرانـي مـا كانـت الا صدفـة مجتمعـه=ما بيني وبينـي و( أنـا ) وحدانـي غلطة عمر سهرت مساء الجمعـه=ورطه ( وذاكرتي ) علي الجانـي كنت احسب اني في الهوا لي صنعه=شاعـر وسيـم وضابـطٍ قيفانـي واثري مضيع راس مالي جرعـه=لا خذتها ضيعـت بعـض إيمانـي يا ما استفزت غيرتي هالقصعة=واسكت واسوي اني ابد ما اعاني يا كيدها لا طالعتني بسرعه=تدري غلاها لاعن ٍ جداني بداوتي غصن ٍ يودع جذعه=تشعل بي الغيرة وانا ما داني البارحة ما كنـت حسـن السمعـه=سيء ولا اسواء منـي الا لسانـي سبيتهـا لعنـت جــد الـورعـه=سفلـت بقصاهـا اليـن الـدانـي علمتـهـا ان المحـبـه شمـعـه=إذا طفـت يطفـي معاهـا الثانـي وان الغلا قانـون قاسـي شرعـه=ماله عيون يشوف منهـو الجانـي لين الخفوق اصبحت احس بقرعـه=ضاقت ما بيني (وبينـي الآنانـي) والله ما احب ازعل عليها بسرعـه=لكـن عليهـا غيرتـي تقـوانـي لو شخص اشر يمها في ( صبعه )=أقـص يـده وألحـقـه بالثـانـي مهوب انانـي بـس هـذا وضعه=لا غبت عنه ما انتظرنـي جانـي في ذمتي ما احـب اغيّـر طبعـه=ولا بيه يتغيـر فقـط مـن شانـي نعم انانـي فيـك فضـي الجمعـه=مانيب حيى الله بشـر مـا دانـي تعلمـي لـو البـشـر مجتمـعـه=وكـل بـيـده سيـفـه اليامـانـي افوزبك لـو هـي برمي القرعـه=بدري علـي اللـي فيـك يتحدانـي افوز غصبن عنك يا اجمل ورعـه=أفوز ؟ قالت: فوز يا شقراني [/poem] كلمات شعبية : القصعة مفردة دارجة على لسان بعض قبائل نجد وتعني قصيرة الساقين طويلة الجذع صبعه : مفردة شعبية اماراتية وتعني ( الأصبع ) شقراني : كائن مائي شفاف يشبهني كثيرا الورعة : البنت الصغيرة التجربة . . . مخرج : 13 الدائري الغربي. تشاو شله . .