[ ناس مسكنها العرى ]

[محمد بن منصور]

السلام عليكم ورحمة الله وبركاته

وكل عام وأحبابي بألف خير
.
.

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الشّـعـر قطـعـه مــن الغـيـم , السّـفـر فيـهـا مــرادي = صورة الفكره .. كلام الشوق .. نبضات المحابر
روح ينقـصـهـا جـسَــد شـاعــر يـهـيــم بــكــلّ وادي = يمتطـي بالحـرف صهـوات القصـايـد ,, والمنـابـر
يامـلـكـنـا والــرخــى عــهـــدك , ومــدّاتـــك أيـــــادي = خلّـت اليابـس مـن احـلام الوطـن ,, مثـل البيـادر
انـــت قـتّــال الـفـقـر واول تواصـيـفـك .. قـيــادي = والـعـلــيــم الله مـاتـكْــفــي لـتـوصـيـفــك .. مشاعر
منهـجـك راســخ عـلــى أرض العـقـيـده والـمـبـادي = للمسـالـم سـلْـم ,, والـبـاغـي تـــدور إبْـــه الـدوايــر
ضاقـت الأرض الرحيبـه والجـشـع مقـبـل وغــادي = والـرجـى فــي منهـجـك يعـطـي لـهـذا الـلـيـل آخـــر
شـافـت العـيـن الشـقـيـه مـنْـظـر احـرمـنـي رقـــادي = نــاس مسْكنـهـا الـعـرى ,, خـلـوا أمانيـهـم سـتـايـر
نــاس تشـبـه نــاس تجمـعـهـم مـتـاهـات الـرمــادي = وأســود الأحــلام فـيـمـا بيـنـهـم يـبـنـي .. أواصـــر
الـشّـقـى هـــذا حقـيـقـه مـوجـعـه , حـــدّ الـتـمــادي = والسكـن أمـن المواطـن فــي زمــان أقْـشـر وغــادر
البنوك أضْفت على حلم السكن . بعـد إقتصـادي = والصـحـيـح إن الـفـوايـد مــــن خـزايـنـهـا خـسـايــر
مكـسـب التـاجـر تـعـدّى قـولـة الـوضــع إعـتـيـادي = لـو قــدر يمـكـن يخـلّـي بحـرنـا الأحـمـر ,, متـاجـر
الـعـتـب مـوفــور لأحْـبـابــي ,, وانا اعاتب بــــلادي = يـابــلادي والـسـكـن أزمـــه وطـبــع الـبــرد .. كــافــر
تربـتـك خـضـرا ,, وحـنّـا دونـهــا حـتــف الأعـــادي = كيف نلقـى حـل .. لاصـار العـدو مصـرف وتاجـر
جيت في صدري تعب , وأقْفيت واجْروحي تنادي = يـانـديــم الــجــرح هــــو بــاقــي لـرحـلـتـنـا خـنــاجــر
رددت بـالـنّـزف صـرخــة .. يـابــلادي .. يـابــلادي = مطمـع التجّـار لــو نسْـكـت ,, يودّيـنـا .. المقـابـر[/poem]