كـــروت عـــبـــور

[ناعم العنزي]

بسم الله الرحمن ارحيم

و

السلام عليكم ورحمة الله وبركاته

متواضعه

اليكم

[poem=font="fanan,6,black,bold,italic" bkcolor="transparent" bkimage="http://www.ab33ad.com/vb/mwaextraedit4/backgrounds/.gif" border="none,4," type=2 line=1 align=center use=ex num="0,black""]
يمر الليل والذكرى تلملم شعرها المنثور=عقب مافلت الذكرى جدايلها على بالي
تذكرت السنين الي مضتلي والسنين تدور=لك الله والسنين الي مضتلي ثوبها بالي
ذكرتك حينها كنك سحابه والمحاني بور=بغت تمطر ولاكن ردها ياهيه عذالي
صفقت الخمس وابحرت فهواجس دربي المهجور=على كف القدر ماشي ودربي موحش وخالي
مسافر لو تبي تزعل حبيبي ماعليك قصور=ترى حتى انت سافرت ونسيت الناس ياغالي
نسيت الي على باله تجي وتروح خمس شهور=ياخمسه كنها خمسة سنين(ن)قاطع وصالي
على باب المدينه كانت الظلمه بعيني نور=سراجي كان فيديني بعض من بعض امالي
تحريتك تحت ذيك النخيل وتحت ذاك السور=مأمل شوفتك لاكن حقيقه ما تهيالي
تذكر موعد السدره شمالي زيرنا المكسور=هذاك اليوم ماشفتك وربي عالم بحالي
خطايه ماعرفت انبش خطاك وسايبه مقبور=تقهويتك حنين وكانت الهقوه هي دلالي
سريتك والليالي كنها ياهاجسي تنور=تقلبني على كف المواجع يابري حالي
غريبه هذي الدنيا بلا خانه ولا دستور=تعز رخومها حتى تكرم كل بطالي
عجزت اقلب اوراقك وادور لك كروت عبور=ولاكن للاسف كرتك سراب(ن)لايح قبالي
بكيت الوقت وابكاني زماني والزمن مشكور=يوريك البشر قدر وحقيقة قلب واشكالي
ودمعي ويش دمعي لا ياليت الدمع ياعصفور=يرجع من فقدته او يرجع عمي وخالي
يولي دور نبكيهم وياتي من وراهم دور=وياتي دور يبكونا حريم رجال واطفالي
كذا هذي ترى الدنيا مسافه كلها ديجور=نهايتها على حدبا حساب وقبر بلحالي
طويت العمر في لحظه كذا مرت بدون شعور=غريب ديار فالدنيا قصر هالوقت او طالي[/poem]

وسلامتكم



دمتم بالف خير