والله وأفْرَجَت القِمَّه العربيَّه عن قايد الحربي :) - منتديات أبعاد أدبية
 
معرفات التواصل
آخر المشاركات
اوراق مبعثرة!!! (الكاتـب : محمد علي الثوعي - مشاركات : 589 - )           »          !!!!! .....( نـــــذرولـــــوبــــيــا ) ..... !!!!! (الكاتـب : خالد العلي - مشاركات : 166 - )           »          خِبَاءُ اللَّحْظَةِ: سَرَدِيَّاتُ الْوُجُودِ الْخَفِيَّةِ! (الكاتـب : جهاد غريب - آخر مشاركة : سيرين - مشاركات : 1 - )           »          ادعوهم بأسمائهم (الكاتـب : عبدالإله المالك - آخر مشاركة : سيرين - مشاركات : 1 - )           »          ضَوْء فَنِّي .. (الكاتـب : عَلاَمَ - مشاركات : 11 - )           »          سطرٌ (تحتَ) المِجهر .. (الكاتـب : رشا عرابي - آخر مشاركة : عَلاَمَ - مشاركات : 244 - )           »          عِــنَـــاق ....! (الكاتـب : جليله ماجد - مشاركات : 25 - )           »          فواصل شعرية ( 3 ) العيد (الكاتـب : نوف الناصر - آخر مشاركة : فهد ضيف الله البيضاني - مشاركات : 21 - )           »          الانجذاب الأخير "هجين من القصة والشعر والخاطرة" (الكاتـب : إبراهيم امين مؤمن - مشاركات : 0 - )           »          الوقوف مبكراً على الناصية (الكاتـب : منى آل جار الله - آخر مشاركة : سيرين - مشاركات : 3 - )


العودة   منتديات أبعاد أدبية > المنتديات العامة > أبعاد العام

أبعاد العام لِلْمَوَاضِيْعِ غَيْرِ الْمُصَنّفَةِ وَ الْمَنْقُوْلَةِ .

 
 
أدوات الموضوع انواع عرض الموضوع
قديم 03-28-2007, 06:06 AM   #1
شهيق ورده
( كاتبة ومترجمه )

Cool والله وأفْرَجَت القِمَّه العربيَّه عن قايد الحربي :)


أسعد الله صباح السَادَة العرب حكوماتاً وشعوباً



والله يبارك فالسَّاعه الي تجمَّعنا فيها

في رياض الخير و بلد السلام..


تحت ظل


مَلِك الإنسَانيَّه وخادِم الإسلامْ..




الله يطوِّل عمرهـ ..



ما راح أتكلم عن جهوده في زيادة الإخاء العربي..





لكن يكفيني إنه أفرج عن قايد الحربي وكثير من جنود الوطن المعْطاء في هذا اليوم




لينعموا بأجواء أخويه صادقة ..

ويستشعروا حلاوة الإجازة لا جت على حين غرَّهـ


شكراً يا وَطَنْ على إجازة اليومين لأبناء الرياض ..


أقلَّها اليوم أبعاد منعْنِشْ بالأجاويد الي كانوا ساهرين الليل مع صُبْحِه لخدمة الوطن ..


يعني جعلهم يجتمعون هالسَّنه وكل سَنَّه فالرياض نقره لعرض الصورة في صفحة مستقلة ولولا الكلافة على طريق المطار

وكوبري الخليج وطريق الملك فهد والملك عبدالله..كان دعينا تكون كل شهر نقره لعرض الصورة في صفحة مستقلة


::


المهم أبقولكم وش كان برنامج الوالد يوم انتهى دوامه الاثنين الماضي <-يعني قبل أمس

الشايب الله يطوِّل عمره أخذ كِسْرَه عنه قبل المغرب ويوم صحى قال :" تولَّموا يا عيال بنروح الشرقيَّه "

"الله ونااااااااسه !! " " يعني ناخذ شورتاتنا بنروح نسبَح في بحر كبير مهوب مثل المسبح نقره لعرض الصورة في صفحة مستقلة"<--ضعيفين أهل الرياض صابهم الجفاف "تقوله صادز ؟ وانفلونزا الطيور والحصبه ؟!<--الراس الكبيره هرجَتْ

"يابنت الحلال الحافظ الله"

<-طبعاً تتساءلون في خضَمِّ هذه الأثناء أين شهيق ؟

وكعادتها من تخرجتْ سهر على أبعاد وإلا مطامر كل صبح تدوِّر وظيفه ونووم


وينقزون المخاريشْ أخواني الشياطين ويصحُّوني من حلم فوشي تخيلت فيه إني مديرة عامه لأبعاد نقره لعرض الصورة في صفحة مستقلة

ويالله ما غسَّلتْ وجهي زين إلا أنا فالسيارة والمطر يضرب فوقنا والجو خيالي ,وقلت:"الله ! وش رايكم نهوِّنْ بس ؟!" وقتها طار النوم يوم شفت عيون حمر تبحْلِقْ فيني

المهم مسكنا خط الدمام .. وصلنا هناك على الساعه الرابعه فجراً ..ابد رحنا نتمشى لين قالوا هنا الخبر

والجو بديع والمطر رذاذه يشرح النفس العليله ..وطيورالنورس على جزيرة المرجان أسرااب متكاتفه قلبها على بعض مهوب مثلنا <-إحم ما قالت شي

ويوم تعبنا قلنا نروح للشاليه الي حاجزينه واحنا فالرياض..

ويوم وصلنا ..قال الشاليه راح عليكم!!!

ليييييه ؟وكييييف؟ ولصالح مييين؟

الطمع خلاّهم يتعجلون ويعطون أقرب واحد الشاليه !!

قلنا قدَّر الله وما شاء فعل ..

ونلف الخبر على الدمام .


ومالقينا سويتْ ولا شقه ولا حتى نص غرفه !!!!!


وأمَّة لا إله إلا الله من سكَّان الرياض إلي أتوقَّع وصلوا لـ 15 مليون نسمه متوزعين في الشرقيه انتهازاً ليومين الإجازه مع الويك إند ..

والله ما تتخيلون الطقاق على الشقق..كل عمارة للشقق المفروشه يطامر قدامها خمس ست سيارات ..لدرجة صارت كل سيارة مطلَّعه واحد من عيالها برَّى متعلِّق فظهر السيارة عشان ينزل بسرعه نقره لعرض الصورة في صفحة مستقلة

تقولون والله في برنامج الحصن كل عايله توقف ع راس الشارع و توزع عيالها يدورون فالفنادق والشاليهات والشقق على أمل يلقون مكان يتاوون فيه بس دونما جدوى تُذكر نقره لعرض الصورة في صفحة مستقلة

وطنقرت مع قايد الحمله وقال أخر حل نشوف الاستراحات على طريق الرياض يمكن نلقى غرفه وبكرة الصباح يحلها ربكم..

ومسكنا خط الرياض والمسْكَه المسْكَه نقره لعرض الصورة في صفحة مستقلة

ما لقينا لنا غرفه ولا حتى زاويه ولا جحر ضب نريِّح فيه !

قسمْ قَسْمَاتْ هذا الي صار معنا ..ومع ملايين غيرنا لقيناهم في طريق رجعتنا ..


اييه..

إحمد ربِّك يا قايد قاعد في أبعاد منتب مدنْوَخْ من هالخطوط نقره لعرض الصورة في صفحة مستقلة



المهم نرجع لمحور حديثنا


وينْ العربِّي وينْ !!
نقره لعرض الصورة في صفحة مستقلة



نقره لعرض الصورة في صفحة مستقلة


نقره لعرض الصورة في صفحة مستقلة



نقره لعرض الصورة في صفحة مستقلة


نقره لعرض الصورة في صفحة مستقلة


وينْ العربِّي وينْ !!

 

التوقيع


التعديل الأخير تم بواسطة شهيق ورده ; 03-28-2007 الساعة 06:10 AM.

شهيق ورده غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
قايد الحربي خالد العنزي أبعاد الشعر الشعبي 61 03-13-2007 12:34 PM


الساعة الآن 07:53 PM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2025, Jelsoft Enterprises Ltd.