دمدمة قلب

[عبدالرحمن الروقي]

لا سمو يشابهه ويحالي
لو تسموا باسمه الف مسمى
صاحبي في وسط قلبي غالي
والغلا من نظرة ومن..... ثَمَّ





مع الورد ...





قلبي معك عبر الخيال ادمدمه
واحاول انسى ماحصل عبر الخيال

اجيك مشتاق وتجيني مغرمه
وانسج على كيفي مواعيد ووصال

حيا محياك الجميل ومبسمه
وهروجك الحلوه وعذبات الخصال

دنياي في بعدك تراها مظلمه
والشوق يتبعني على مر الليال

الحب واضح لكن انتي مبهمه
والقصد قربك مير ياصعب المنال

ازهم على صوتك وكني مازهمه
ارجيك والمرقى على مثلي محال

ادورك بين الدروب المعتمه
واسمع صدى صوتك على روس الطوال

روفي بحالي وارحمي يامسلمه
انا تعبت ولاحصل منك اتصال

دونك مراسيم الحدود مرسمه
حتى طيور الجو ماتلقى مجال

الله على حكم القضا والمحكمه
والله على حظ المولع كيف مال

حلمي بسيط ولاقدرت اتممه
واصبحت اعيش الحلم في ارض الخيال

اجيك مشتاق وتجيني مغرمه
وانسج على كيفي مواعيد ووصال


تمامها الأتم