كافر غيابك (عناق اول)

[حمد عويد]

بسم الله ارحمن الرحيم

اتشرف بتواجدي في ابعاد ادبيه

اشتياق

كتبتك حلم بعماقي

على اوراقي

على جو الشتا الدافي

واصورلك

دفا حزني واهاتي

على غيابك

على اوجاعي

على وهم الحضور اللي

بأعماقي

وتتساقط بي اشلائي

واجمعني

وابعثرني على بابك


واتوق الـ لحظت عناقك

واتوق الـ لحظت عناقك

غياب

كل ماهز الجفا طيفك ذكرت
الأماكن والعيون الساهره

ودي احلم كيف ابحلم لاسهرت
دايم الفرحه تجيني عابره

طاح دمع الشوق لكني ذخرت
للقا دمعات فيني حاضره

العمر خطوة امام ولاعبرت
دايم ارجع لليالي الطاهره

ودي اكتب لك حنيني لاشعرت
حتى عيني تنسكبلك شاعره

الشعر يجبر خواطر ماكسرت
من صور ذكرى تجي متناثره

عفواً انتي فاهمه معنى نطرت
يعني عمري لك (محطه) ناطره

لو ابتعلق على (يمكن) صبرت
بس (يمكن) في غيابك كافره

كنت ابحكيلك ولكن ماقدرت
الكلام احيان يجرح خابره

كل مايكبر غيابك انشهرت
بين غيّاب المحبه الساهره

للغدر شكراً ومن طيبي شكرت
كل مواعيد الغرام الغادره

ياصغيره هذا انا بجرحي كبرت
حتى حزني يكتبك من خاطره

ماخسرتك بس انا ادري بك خسرت
ودي اسأل حلمنا من كاسره؟

خذلان

وقفت قدام المرايا ودنقت!!!!!
مقدر اطالعني وانا حيل مخذول