الـحــاجــة.. والـضــيـق - منتديات أبعاد أدبية
 
معرفات التواصل
آخر المشاركات
ضَوْء فَنِّي .. (الكاتـب : عَلاَمَ - مشاركات : 11 - )           »          سطرٌ (تحتَ) المِجهر .. (الكاتـب : رشا عرابي - آخر مشاركة : عَلاَمَ - مشاركات : 244 - )           »          عِــنَـــاق ....! (الكاتـب : جليله ماجد - مشاركات : 25 - )           »          اوراق مبعثرة!!! (الكاتـب : محمد علي الثوعي - مشاركات : 587 - )           »          فواصل شعرية ( 3 ) العيد (الكاتـب : نوف الناصر - آخر مشاركة : فهد ضيف الله البيضاني - مشاركات : 21 - )           »          الانجذاب الأخير "هجين من القصة والشعر والخاطرة" (الكاتـب : إبراهيم امين مؤمن - مشاركات : 0 - )           »          الوقوف مبكراً على الناصية (الكاتـب : منى آل جار الله - آخر مشاركة : سيرين - مشاركات : 3 - )           »          [ فَضْفَضَة ] (الكاتـب : قايـد الحربي - آخر مشاركة : زايد الشليمي - مشاركات : 75372 - )           »          !!!!! .....( نـــــذرولـــــوبــــيــا ) ..... !!!!! (الكاتـب : خالد العلي - مشاركات : 164 - )           »          ارتعاش في جوف الصمت. (الكاتـب : عُمق - آخر مشاركة : زايد الشليمي - مشاركات : 3 - )


العودة   منتديات أبعاد أدبية > المنتديات الأدبية > أبعاد الشعر الشعبي

أبعاد الشعر الشعبي بِامْتِدَادِ الْلهَجَاتِ ، شِعْرَاً يَحْكِيْنَا .

 
 
أدوات الموضوع انواع عرض الموضوع
قديم 01-18-2011, 07:02 PM   #1
صالح الحمود
( شاعر )

الصورة الرمزية صالح الحمود

 






 

 مواضيع العضو

معدل تقييم المستوى: 2251

صالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعةصالح الحمود لديها سمعة وراء السمعة

افتراضي الـحــاجــة.. والـضــيـق


---( الحاحـة..والضـيق)---
[poem=font="Simplified Arabic,6,,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
الحاجه اللي ما تبي حرب وارجَال=مالي بها من كبْر الاهداف حاجه
أمّا حـيـاةٍ ما وراهـا ردى حـال=وإلاّ مـمـاتٍ لا تـهـيـّا يـواجــــه
كذا كذا فلْ يعلوَ الخَطْبِ وايقال=ما عدْت ذاك الرّحب سهْل المحاجه
كلْ ما كبر عقل الفتى يكبر الفال=يكبـر وتكـبر هـمّـتـه واحـتياجـه
مالي ومال الهيّنه والتّمهزال=والحاجه اللي ما تزيدك وهـاجــه
إنْ ما تهيّا للفتى عِلْم واجـلال=فَلْ يتّقي شر الجـهَـلْ والسذاجـه
خلُّوني لامري ما أبي وهْج وافضال= لا بارك اللهْ بالأمير وْخــراجـه
لو الطمع بالهيّنه يصنع ابطال= طمعت باللي ما يُرام انتهاجه
لكن مقام المرءِ يؤخذ بالَافعال=والفعْلِ تؤخـذ قيمته من رواجــه
يمكن أحب الشعر والمدح والمال=لكني اكفر بالوهن والسمـاجـه
اللي مزاجه بالعُلا دوم شغّال=غير الوضيع المنشغل في مزاجه
يا هيه ياللي تِكْثر المدح وتغـال=حسبك مديح وْبهرجه وارتجـاجـه
مدحك لمن لا يستحق قدح واقلال=وامْذمّتك للشخص الاهمج هماجه
رسـالتي جتكم مليئه بالامثال=نسجـتها نسجٍ بديع ٍ نسـاجــه
ما قول يكفيني منَ المجد ما طال= اللي أقوله ما يكَفِّينِ تاجــه
ارجي مقـامٍ ما يجي فوقه اظلال=وانشد نجاحٍ ما يطفَّى سـراجـه
مالي هدف اصغر منَ الموت باجلال=ولا عمل غير العُلا واعتراجه
هذا مقالي والزمن يصْدق الحال=ما هو كِبِر..اوْ ثرثره..أوْ غناجه
إلاّ ثقه..وايمان..وادراك..واقبال=واحساس قلبٍ يصطلي فوق صاجه
لا شيّ يمنعني ولا خوف وارتال=مثْل الجبل لكن أسد بالموَاجه
نفسي عظيمه ما تبالي بالاهوال=حتى المرض استقبله بابتهاجه
الجسْـم عِرضه للعِلل..لكن البال=إنْ ما تعلّل بالأمل وش علاجه؟
والضيقه اللي داخل الصَّدر تجتال=ابطيت اقاوم حزنها واختلاجه
ضيقه قديمه واعتقد والله الوال=هي سبّة اقواس اضلُعي وانعواجه
تكتم نفس صدري منَ الجال للجال=ما كنّها غير ابخرَه في زجاجه
الضيق يقطع سيرته صعب لا طال=والأصعب انّك تنتظر انفراجه
يا جود وقتي بالمصايب والانذال=نطحي عرَب..واخْلاف ظهْري خواجه
تكاثرت من حولي اصناف الارذال=كلٍّ يوشوش صاحبه انزعـاجـه
ما بِيْدهم حيله ولا سيف قتّال=ما غير تجـريح الْسِنَهْ واسمجـاجــه
والصنف الآخر هوش واصراخ واجْدال=تسمع لهم وسْط المجالس لجاجه
يا ناس..يا جهّال يا اهْل التمشكال=ما بالمشـاكل مرجله أو نضاجـه
الآدمي بالطيب ولْسانه الحال=لا بالفـتـوّه..والشـنب..والـهـواجــه
لا صار قَدْرك فوق واشبارك طْوال=ما يلزمك طول الشَّنب واعوجاجه
القوّه اللي ما معاها ذكا عال=أبشع منَ الضعف القوي والدّماجه
يا مَن ترى في طول صبري تمخذال=حسبك فلا عقْب التصبّر هراجه
لا يخدعك صمتي تَحَسْبه عن اذلال=احذر فلا كلْ ذات ريشٍ دجاجه
أنا معـاذ اللهْ منَ الـقـيل والقـال= استغني عن قولي بِفِعْلٍ يواجه
ما قول قولٍ لهْ بِصَدري سِعَةْ بال=اصبر..واصابر..واتصبّر..وواجه
الكِلْمه اللي ما يشرّفني تْقال=ما قـولـهـا لو كان بالنفس حــاجـه
أمّـا كـلامٍ ما يثمّـن بالامــوال=وإلاّ سكــوتٍ مـا يثمّـن نتـاجـــه[/poem]





-

 

التوقيع

حسابي في التويتر
https://twitter.com/saleh_850



مـرحـــبا بكم في

صالح الحمود غير متصل   رد مع اقتباس
 

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:39 PM

الآراء المنشورة في هذا المنتدى لا تعبر بالضرورة عن وجهة نظر الإدارة

Powered by vBulletin® Copyright ©2000 - 2025, Jelsoft Enterprises Ltd.