~..يادمعة العين كفي ..~

[شجـن]

خاطره و فضفضة حزن

خرجت بحياء .. لانها لاتفي حق من هي فيه (والدي)

ادعوا الله ان يتقبله بالرحمة و المغفرة و ان يسكنه فسيح جناته



[poem=font=",6,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يادمعة العين كفي وارفقي فيني=هذا القدر والمفارق حل ديانه
لحظة خذا الموت منهو كان يغليني=الغالي اللي عزيز ٍ عند جيرانه
ضاق الفضى واضلمت دنياي في عيني=والهم خيم على حيه وسكانه
مرحوم ياللي كلامه كان يشفيني=ماينشرح خاطري الا على شانه
فرقاه نار ٍ سرت داخل شراييني=وفقده صعيب ٍ علي من كود نسيانه
يفوح صدري كما فوح البراكيني=والروح جاها عناها عقب فقدانه
يالله عسى ترفعه للمنزل الزيني=في جنة الخلد متوسط بريضانه
وتجمعه يارب عندك بالنبييني=وعن واهج الشمس قبره تبرد اركانه
ويصبح وسيع ٍ تغطيه البساتيني=ومن المطر يرتوي لاهل هتانه
وتثبته لاوقف بالموقف الشيني=يوم ٍ يشيب الطفل ماشاف باعيانه
وصلاة ربي عدد جمع المصليني=على النبي الهاشمي واله وخلانه[/poem]