على هامش عمق أنثى جموح

[أنثى جموح]

[poem=font=",6,blue,bold,normal" bkcolor="transparent" bkimage="" border="none,4," type=1 line=0 align=right use=ex num="0,black""]
ترى بعض التغلي صار من ميدان هجراني=وانا لي عزةٍ تنأى عن الإذلال بوصالك

عزمت ارحل ولا ببقى بباب الصد من شاني=مدام ان الغلا لعبه / حرام ألعب بأقوالك

تعمّدت الصبر حتى يجي حقي من احساني=ولكن السفر عيا يجيب الصبر لاحوالك

تعديت ب مسافاتي مسافاتك وإمكاني=ودام ان البعد غيّر مشاعرنا ( على فالك )

فلا تتوقع ان قلبك يداوي كل أحزاني=ولا تتوقع ان قلبي بيتحسّف إذا اوفالك

صعب حتى العرب تفهم مداراتك وأكواني=صعب تقبل ثنائينا ولو تتوحّد اقبالك

أنا عيبي غدى صدقي مع اقليبك وايماني=غدى شيٍ صعب وصفه بهالدنيا مع امثالك

نسيت اني أنا أنسى وحطيتك غلا حاني=غلا لا يمكن اتخيل حياتي دون مسعالك

ولكن الوجع سلّم على موضع بك اغراني=وصحاني من اوجاعي وفضفضلي بأفعالك

وخلّاني ولا حتى بقى فيني وخلاني=معاد أتوجّع ف غيبة وجع حبك/ على بالك

ترى مهما أقول اني لقيت الراحه بازماني=تأكد إني ب حاجة رجل يسكن بي بْدالك

وانا كلي وثوق اني بلاقي نصفي الثاني=وراح القى به اللي ما لقيته وسط موالك

يا رب تعفو عن الظالم , ومظلومه , وتلقاني=على نية وفا عاشت تبي بس ترضي اجلالك ![/poem]