يـ أصحاب الهيام

[محمود النبهاني]

عـلى شـاطـي الأمـانـي نـسيـر بلا وقفة ولا رجعة
نـــقاوم رمـــله الــمبــلول نــحاذر زلة الــخطــوات

وبـحره يـصفـع بـموجـه بـصفـعة تـعقـب الـصفـعة
وحــنا فـي أمـلنـا نـعيـش نِحَسْب ان الأمـل مـافـات

حــسافة ضــاعــن أيــامٍ عــرفــنا الــذل والــدمــعة
وضـــيعـــنا أمــانــينــا مــع الــخذلان والــدمــعات

وشـابـن روسـنا واحـنا نـقاسـي الـصمـت والفزعة
وأثـــاري كـــلهـــا أحلام حـــقيــقتــها ألــم وآهــات

عــرفـنا الـدنـيا بـس مـظهـر تـبيـن بـزيـنة الـطلـعة
تــخبــي فــي صــحايـفهـا مـعانـي الـغدر والـعلات

وكـم مـن قـول يـأسـرنـا واثـاري القول بس خدعة
تـــبعـــنا مــن يــبايــعنــا كلامٍ يــشبــع الــرغــبات

وجــينــا الــحب وغـامـرنـا ونـحسـب كـل ذا مـتعة
مــندري عــن بــني ادم لــهم فــي حــبهــم نــزوات

بــنيــنا للأمــانــي بـيوت فـرشـنا أرضـها الـسنـعة
وجــــملـــنا زوايـــاهـــا بـــأحلام الأمـــل والـــذات

رفـــعنـــا بــالــمنى أنــوار وضــاءت للهنــا لــمعة
وقــلنــا هــذا مــطلــبنــا ومــأمــل طـالـب الـجنـات

بـعدهـا صـارت الـجدران بـغمـضة عين منصدعة
وخــر الــسقـف بـالأحـقاد وصـوت الآه والـونـات

عــتمــنا فــي الــظلام ولا لــقيــنا الـنور والـشمـعة
تـــعثـــرنـــا ولانــدري نــكمــل او نــكون أمــوات

قـريـنا فـي الـعشق دستور وجمعنا الهوى وشرعه
وشـفنـا من ضحايا الحب قصص وافلام وحكايات

ي زيـن الـوقـت لـو يـمضـي علينا بلحظة وسرعة
نــشوف ســنيــن وايــامٍ وكـله فـي الـعنـا سـاعـات

تـــضيـــقنـــا ولا شـــفنـــا بــهالــدنــيا لــنا وســعة
ولا خــذنــا مــن الــحالــي ولا الأشــواق والــلذات

وبــــن آدم بــــنيــــاتــــه مــــيلــــقى للهنـــا شـــبعة
ويــزرق ربــنا الإنــسان عــلى الأعـمال والـنيـات

ومـن يـرحـل عـن الـدنـيا ويـبقى الطاري والسمعة
وكـل الـلي بـقى تـذكـار ومـوقـف يـنتـسي بلحظات

ي أصـحاب الـهيـام اصـحوا قـبل مـاتحمي الوجعة
تـرا الأعـمى عـن الـدنـيا يـواجـه شـوك ومـطبـات

وحــب الـخل لـو يـسكـن بـقلـب الـمبـتلـي وضـلعـه
ولا مـن عـقل بـه حـاضـر يـعانـي السقم والعاهات

جــنون الــحب لـو يـشفـي فـراغ الـقلـب أو جـزعـه
لــكان الــكل عــشاقٍ مــن الــنظــرات والــغمـزات

ولـــكن الـــحذر واجــب مــن الــحيــات والــلســعة
تـرا الـلي مـايـجيـد الـعوم بـيغـرق لـو صمد فترات

وكــل إنـسان يـحصـدلـه مـن الـلي يـنبـت بـزرعـه
ومـن يـسعى لـحب الـخيـر يلاقـي الحب والراحات

وكــل حــاذق بــحرف الــقول يــميـز ذلـه و نـفعـه
ولايــجري ورا الأهـواء ولا الأطـماع والـزيـنات

ويـعرف مـنهـو مـحبـوبـه ويـعرف عـونـه وربـعه
ويــعرف وقـت مـايـحسـن بـظن الـناس والـغايـات

ويـــمشـــي فــي دروب الــحب بلا زلة ولا وقــعة
ويخلص في رضى المحبوب يحبه حب ظل وبات

وخـــتم الــقول يــاســامــع صلاة الله بــكل جــمعة
عـلى الـمخـتار والأصـحاب وآل الطهر والطاعات