عزة النفس

[ضاوي العصيمي]

اخواني واخواتي اعضاء هذا الصرح الجميل بكم
السلام عليكم ورحمة الله وبركاته

اشكر القائمين على هذا الصرح بدعوتي
ويسعدني مشاركتكم

ولكم ودي


يامنتظرني لين اقول ارجوك أبا وأبا وأبا
..... يصـعـب عليّه نثر دم الوجـه والحاجه مصير
أن كان من نظرات عيني ماعرفت اللي غـبا
..... سقت الركايب والضماء يشوي مراهيف الضمير
الموت في دارٍ خـلـيه ماوطتها الا الظبا
..... اخير من مـوت الكرامه في نظر عينٍ قـصـير
ماقول تكفا..ياعبير الورد وانسام الصبا
..... اجيك مـقـداري كبير ولن رحـلت أرحل كبير
ترفعني الشيمه وعز النفس والذل يهـبا
..... أنسى أني احني هامتي واعيش في عينك صغير
يغنيني الله عن ذهب كسرى وعرشك ياسبا
..... وش زين مجلاسي تحت سقف السعف فوق الحصير
أحسب فصولك يالسنه زرقا وغبرا وشهبا
..... ومجـهم ولال العبد عن ماقـدره ربـه مـطير
كم من كريم شح دنيانا على كفه حبا
...وكم من لبس فيها السمول الباليه عقب الحرير
ولاينصف الفلاح باللي بدده طيش الدبا
..... من الحـلوم الايلوذ برحـمـةالرب البصـير
يامنتظر لين اسالك جيتك وفي عيني نبا
.....اقرأ عيوني ياخر الهقوه تشوف ابها الكثير
وأن ماعرفت القصد أعود بعزتي ماقول أبا
.....وأبقى غني النفس وانت اللي من احساسك فقير
ضاوي العصيمي