لو حسبنا للمفارق ما التقينا من وجيه
وما التقينا من وجيه ٍ والمفارق نحسبه
لا تقولوا ليه؟! دام الأجوبه من غير ليه
وكلما اْمسح له فراق يرد هجره يكتبه
من يخون .. وفاي يرحل غير مأسوف ٍعليه
وحبه المرسوم باحداقي بدمعه يشطبه !!
ماني .. بنادم على قاطع ولوكنت التقيه
ولاني .. بباكي على رشفة حليب ٍ يسكبه
كان قلبه ما سمع نبضي وهو منّه إليه
ويش يرجي كان زامر حينا ما يطربه
يفتكر لو يطعن بعزه أنا بذله أجيه ؟!
يبصر ..نجوم الظهر من قبل يبصر مطلبه
وان علا قدره على شعر ٍ كتبته يوم فيه
مين يدري؟! يمكن اكذب واْصدق الشعراكذبه !
يعني لا يغترّ في شعري /ألا تبت يديه
والا يتوجّه لاي شاعر ويبدا يطلبه ..
يمكن .. يقول الذي نفسه تموت وتهتنيه
وانا قبل اشراق حبي راح يلقى مغربه
عاش موت بصدق كاذب باع حبٍ يشتريه
كيف يطعِمني وهو مسكين راعي متربه !!
والقصيد اللي كتبته فيه ؟! عادي وش عليه !!
خلّه يبله بماي الحزن ثمٍ يشربه ....!
وإْلا اْنا باعيش من غيره وكم غيره وجيه
يغني الله عن هوا مثله وحبه واعذبه
آخر المشاركات
03-14-2010, 04:02 PM
أصدق الشعر أكذبه !
العرض الشجري