هــــرج.. المعالــيق .....!!!!!!

[بدر السويط]

اعزائي...

اخطر ما على القلوب....

هو هرج المعاليق... فاحذروه



[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
للهم في هرج المعاليق طاري = وللشوق في جوف القوافي مواثيق
وانا اصارع رغبتي و اختياري = يعينك الله يا الضلوع المشافيق
يا صاحبي لا تنشدن ويش جاري = عيني تغمض تالي الليل و اتفيق
اضحك و اسامر و اتكبر و اداري = لكن جروحي ما عرفتها المخاليق
جرح ٍ رسم في وجه الاحزان داري = و جرح ٍ نحت وجهي على الهم و الضيق
و جرح ٍ لفاني تالي الليل ساري = شق الحنايا لين جش الطواريق !!
و البارحة ياخوي جتني طواري = جتني تحرق مهجة القلب تحريق
طواري ٍ تضرب بحد الشباري = حاولت اروّغ مار مامن توافيق
كني صويب ٍ ما لحقته الطواري = و الا غريب ٍ ما لقا له مطاليق
و الا طريح ٍ للاسود الضواري = تونسوا بلحمه على فكة الريق
كله سبب هم ٍ على البال طاري = البارحة .. يا شين هرج المعاليق[/poem]