جســـ ـر كيفـــ ـان

[سعد صالح المطرفي]

صباحم ورد و مساكم ورد.


بالبدايه اعتذر عن الغياب الغير متعمد.


الذي اعلم ان لي في قلوبكم المتسع الكبير من التماس العذر.


بأختصار لأنكم في ابعاد..



تقبلوهااااا

[POEM="font="Simplified Arabic,4,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]فـي ذمتـك غلطـان يومنـي بغيتـك لــي حبـيـب=أسـف علـى دقـات قلـبٍ فـي غـرامـك ذايـبـه
..
..
كنـت اعتقـد انـك ابنظراتـك تبـي تصنـع صحيـب=لكـن جهـلـت انــك تحـدابـي اعـقـولٍ خايـبـه
..
..
يعني عشـان انـي سعـد سويـت بـي شـيٍ عجيـب=والله تشـربـت الـحـزن واستـنـزفـت عجـايـبـه
..
..
لو تدري اني مـن قبـل شوفتـك بحسـاب الصويـب=مـاكـان زدت المبتـلـي زودٍ عـلــى مصـايـبـه
..
..
واللحيـن واخرهـا معـاك و كيـف تبغاهـا تصيـب؟=لا صـرت تعـرف دربـك و تنهـج علـى خرايـبـه
..
..
مـدري قسـاوة هالزمـن والا قـسـاوة هالنصـيـب=والا قـسـاوة قلـبـك المبـنـي عـلـى سبـايـبـه
..
..
حـــتـــى (جـــســــر كيفان ) من قسوتك غادٍ له نحيب=تقول كنه شايبٍ يشفق على قرايبه
..
..
تخيل انـي مـن كثـر مـا اغليـك و اعـدّك قريـب=اجلـس مـع العالـم و روحـي عـن حكيهـم غايبـه
..
..
في ذمتـك وش دخّـل احساسـي لأجـل عنّـه تغيـب=والا وش اذنوبـه لأجـل تلغـيـه عــن ضرايـبـه
..
..
يعنـي عشـان انـه وفـا والا الوفـا عنـدك غريـب=والا عشـان انـه بـغـاك اتـكـون مــن حبايـبـه
..
..
و انـا بصورلـك جميـع الأمكنـه وابـغـى تجـيـب=الـفـرق مابـيـن القـلـوب المذنـبـه والتـايـبـه
..
..
حتـى ممـر المكتبـه عقبـك غـدا دمعـه شعـيـب=والكرسـي اللـي كنـت جالـس بـه يسولـف بايبـه
..
..
و مبنـى العمـاده وكـل قاعـه كنـت فيهـا تستجيـب=ومـداخـل الأقـسـام بالصـدفـه طـغـت معايـبـه
..
..
هو يوم واحـد غبـت لكنّـه لـه احسـاس و نصيـب=اثـرك امحّلـي دربـي الموحـش و عيـدي جايـبـه
..
..
حسبي على السكوير الأول يوم كنـت اشـرب حليـب=يومـن رفعـت الـراس و اعيونـي ابعينـك طايـبـه
..
..
فكرت فـي لحظـة تأمـل يـا تصيـب و يـا تخيـب=و كانـت بـدون امبالغـه يـا خايبـه يــا صايـبـه
..
..
و يومن نويت اشر لـك ابيّـدي وانـا لوقـت المغيـب=كانـت اعيونـي هايـبـه مــدري يديـنـي هايـبـه
..
..
قمـة احاسيـس الصراحـه كانـت ابصـدري تلـيـب=حالـة تلعـثـم كـيـف شـاعـر يبـلـش ابغرايـبـه
..
..
موقف صعيب اللي حصل في ذمتـي موقـف صعيـب=والرجـل مثلـي مـا يـدنّـق لا اكـبـرت صعايـبـه
..
..
واللحيـن يومنـك دريـت ابحالـة الحـب العجـيـب=عطنـي مـن النظـرات يـا راع العـيـون الذايـبـه
..
..
نظـره تبيـن لـي بأنـك كنـت ذاخـرنـي حبـيـب=مـن شـان اميـز موقفـي واطـرد عـنـه شوايـبـه
..
..
هو فيه اكبـر مـن خيالـي كـل مـا اشوفـك قريـب=اجلـس مـع العالـم و روحـي عـن حكيهـم غايبـه
..
..
[/POEM]

وسلامتكم


سعد صالح المطرفي

8/2/2006