[ ..ليتهم يرجعون .. ]

[محمد بن شتير]

مساء الخير للجميع

هذا النص للتواصل مع الاحبه في ابعاد

..

..

..

[poem=font="traditional arabic,6,royalblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""] يا " ناس " يا " هوه " ياللي للنداء تسمعون=هذا زمان العجب و الا محمد عجيب ؟
ودي جواب لسؤالي دامكم تعقلون=و أن طارت عقولكم .. الله يجيب اللبيب
ما دام سين السؤال تمد حبل الشجون=أموت و أعرف إذا لـ{ السين } طب و طبيب
اللي مذريه حشمه بين رمش العيون=أكرم مقامه عن اللي يرخصون القريب
لكن أنا لا ذكرت وجيه { ناس الطعون }=فلييت بعض الطعون و قمت أودي و أجيب
العسر لا ناح قال أما تكون أو أكون =و الناس هجوا و لا لي غير ربي مجيب
فيني أماكن تنادي { ليتهم يرجعون }=الغي لا حل .. زل من النجابه نجيب
يا كبرها .. تايهين و بالردى يفخرون=الطيب في مجتمعهم ضعف و الحب عيب
هم علموني إذا ضاق المدى يدبرون=و أنا بهم لو تضيق الأرض كنت الرحيب
ليه البشر فاصعب الاوقات ما يصملون=ليه أنتشر { ماني الا دون همي رقيب }
غرآبة الناس تكمن خلف ما يفعلون=أي شي طبيعي تشوفه .. في نظرهم غريب !!
لا جيتهم بالتودد شفتهم يبعدون=و أن غبت عنهم تصيح أشواقهم .. لا تغيب
يعافهم شاعر"ن" وحده يعيش ب/سكون=فضل غيابه لان وجود مثله مريب
لو وحدته حدته يشهق سنين الجنون=عاش الجنون و زفر { كل شي قسمه و نصيب }[/poem]

م/ش