خلنا نحلم

[ميــرال]

.

لو سمحت
مهي اكثر من دقايق
نبعد شويه علينا
وننسى حتى اسامينا
ونحلم
ان هاالدنيا ورق الوان
جدرانها نسيان
او مسافه كل مافيها اسامي
لملمتها الريح
اصحابها مرو
ورموها

خلنا نمشي حبيبي
لجل هااللحظه تعيش

نتعب وناقف ونمشي
نلمح الدنيا ورانا
شي بعيد
يشبه اسرار الكتابه
يشبه انفاس الجليد
ونحسبه
طيش لسحابه
ونبتسم ونرد نمشي
ونمشي
وناقف بنصف المسافه
بلا اسامي
وكل مافينا تشابه
وكل مافينا تشا بك
مثل طفل وثوب عيد
او مثل غصة
حسافه

خلنا نمشي خلاص
اتعبني العطش

وشلون مدري شلون
انت تدري وش بعد
’بعد المسافه
وماعلينا
باقي من الوقت لحظه
حيل
شفافه

تعال
وخلني المس حقيقة سحرك المجنون
والطاغي
تعال
ووش بعد باقي
خلني القاك لو غفوة
بخيله
ليله
اتفننك بجنون

وتصور

قبل ناصل هنا
شفتك انا
بنفس الملامح
والعيون
كنت اشوفك
تسأل الأغصان عن لمة سواعدها
متى تعطش مواعدها
ومتى تورق
من الخلجان
ومتى تذبل
كنت إبعد
كلما تقرب مسافه مني ابعد
آتخبى
ماابي ظلي يبان
وما ابي رعشة حنان
تفوتني
وتمرني سيان

من بعيد
كنت اشم الليل بيدك
عنفوان
بعنفوان
وكنت اشوف الأرض تتبخر
مكان
يضمنا
ويشيل قيدك
واتكبل