شعري الشاهق

[عبدالله عوجان]

[poem="font="arial,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الجوّ هادي والليالي غطاليس=والراعبي يعزف غناه ويشيله
والدرب موحش والأماكن دياميس=واللي مشى بالدرب عقله دليله
والعلم منهل والذكاء للنواديس=وكلٍ حسب نهجه بيسلك سبيله
استبشري بالموهبه يالهواجيس=واستوطني شاعر بيوته جزيله
ياشعري الشاهق وش أقول وأقيس=ياراسيٍ مرسى الجبال الثقيله
ياأدقّ من هدّ الصقور القرانيس=وأرقّ من ريح الزهور العليله
وألذ من وقت الفرج للمحابيس=لا حلّ من عقب السنين الطويله
وأقوى من الوصف بقصيد أمرؤ القيس=وأمتع من أخبار الف ليله وليله
وأعظم وأجلّ من الغزل في شعر قيس=وأصدق من عهود الخليل لخليله
وأعذب من المدح بسجلّ القراطيس=في شعر ابو الطيّب بسلطان جيله
وأقسى من سيوف الرجال المدابيس=أصحاب طعنات السيوف الصقيله
بحرك طويل وْلا يقاس بمقاييس=وسماك غيم ومزن وأرضك خميله
دام أيّ كلمه في بطون القواميس=مكتوب معناها بكلمه بديله
فأنت إلك معجم له بدايه وتاسيس=يشمل جميع المفردات النبيله
ومنين ماهبّت هبوب النسانيس=للحرّ طلعاتٍ وللحرب حيله
دقي على متن الزمن يانواقيس=واستبسلي بالمعركه يالكحيله
وقت الوغى تسمع صهيل الكراديس=وتستمتع بفعل الحصان وصهيله
وإلاّ الشعر وهبه وخبره وأحاسيس=والوقت تاريخه مدوّن حصيله[/poem]

عبدالله عوجان