لا جراحك ولا جـراحي

[بتال الشريف]

مانيب ميت ولا مسافر ...

ولا بقاطع ولا بزعلان ...

أنا موجود باستمرار ...

تلقاني على دروبـك ..

رايح جاي ودوم أسأل ...

عنكّ .. فيك .. عن احوالك ..

من قلبي الى قلبك ...

وكل لحظة أدوّر فيك ...

لا قلبٍ نوى هجرك ..

ولا فكرٍ رضى يخليك ..

في بالي غدا قصرك ..

وفي عيني سرا شاطيك ..

وفي ملحي حلا بحرك ...

ولو بعتك فـ أنا شاريك ..

بالذمّـة .. !

من القاطع ..!؟

من المخطي ..!؟

من المليـــوم ...! ؟

بالذمّـة .. ! أنا ..؟ ولاّ أنت ..؟

يالساهي .. من الغلطان ؟

تتعذّر على الفاضي ..

ووعدك مذنبة قاضي ..!

وتصحى دوم من نومك ...

وتدوشني بذا الموال ..

لا جبرٍ لفا الخـاطر ...

ولا إحساسٍ تجدد فيك ..

بس انّك كذا دايم ...

تقتلني وتجي

تعزّي !!




[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
تركتيني معلق بك مانيب ميت ولانيب حي=كذا بين السما والقاع دليل الطير ورياحي
بات الغيم من فوقي ومن تحتي خَضار ومي=وكل لدّه بها القى خوف وضيم وجراحي
دوم الشمس تلفحني ودوم انشد عن اقرب في=و دوم الليل بوشاحه يعمي عين مصبـاحي
ترثيني نجوم الليل شوارعها وكمٍ حي=وكم كوكب صفع خدّه وهزّ الكون بصيـاحي
لا بوصلٍ سقيتيني ولا بهجرٍ ظمـاه شوي=سوى لعبك على الحبلين وذا اللي ايقظ نياحي
دخيل الله .. دخيل الله .. حياتي مابقى بي شي =وحتى الحظ كان يقوم بس بدنيتك طـاحي
يا تقولي يا بن هالناس وسط قلبي مَامثلك زي=يا تقولي فمان الله .. لاجراحك ولا جـراحي [/poem]