عش : عشتار !!

[فهد دوحان]

[poem="font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

:

رفعت عش وبعدهـا طاحـت اشجـار=زرعت صبح ، ولا قطفـت المصابيـح
كم يوجعك هـذا البحـر وانـت بحـار=ماطحت عن مراكبك : طاحت الريـح !
غنيت ما هو من طرب ، كنت ابختـار=صوتي وابسمع صرختي قبل ما اصيح !
يقرا لي اسـراره وابقـرا لـه اسـرار=من أول المـا داخلـي لآخـر الشيـح
صحيح كانت واضحـة كانـت صغـار=لكنهـا مثـل الرضـى ، والتسابيـح !

الفرق بيـن العـزم ومابيـن الاقـدار=انك تطيح وكـان لا يمكـن اتطيـح !
انك عجزت تشوف في داخـل النـار :=نور وتشوف الثلج في روحـك يسيـح
تقدر تشوف اطفال روحـك بالاسـوار=ولا قـدرت تشوفـهـم بالمراجـيـح
انـك تعيـش ومالخطـواتـك آثــار=ولك خطوة ٍ تضيق فيهـا الصحاصيـح

يا سيدي يا أنـت ، أنـا يمكـن كثـار=كنا ، ولكن ويح روحـك ويـا ويـح :
روحي اذا ما رفـرف الحلـم عشتـار=ولا عشتـه الا فـي اشـارة وتلويـح
رفعت عـش اتذكـر وبعـض الأثمـار=نسيتها ، وما كنت ابخطي : بتصحيح ! [/poem]