رفــاة حــــي

[مجبل الديحاني]

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]بالليل يعزف له على الجرح موال=والصبح يحصد مابقى فى حياته
تطيح من راسه مع العمر آمال=وترقص على ذكرى السنين اغنياته
هد المرض حيله وبقى صلب مامال=يضحك ويخفى عبرته فى ثباته
عن عين من ذابو من الحزن واطفال=تحضن امانيهم يدين امنياته
شفت المرض ضحكه على وجهه رجال=ينقل على الدنيا بقايا رفاته
ينحت على جروحه من الصبر تمثال=وفآخر مواعيده هدر ذكرياته
الله عطاه اقوى من الصبر لاقال=هذا هو امر الله وهذى سواته
واقف ويقطع من غرابيله اميال=بالله كريم ودعوته فى صلاته
فى وجه هالدنيا وقف موقف ابطال=ماخاف من هول المصير وفواته
تزرع يمينه بذرة الخير بقبال=ويسراه تومى للرحيل بعصاته
الموت ينتظره على الدرب لو طال=وماهمه الا مفارقه عن بناته
شمسين فى عيونه مع الدمع لاسال=كان الحياه فيهن وكانن حياته
يسمع (يبه) ويخطر على ضيقة البال=كلمة (يبه)باكر تضيع فمماته
لوكان حزنه حزن واثقاله اثقال=نور الامل عيا يفارق جهاته
يارب عبدك وانت يامغير الحال=بامرك تقبل دعوتى فى شفاته[/poem]