[ .. غـن لا ضاقت عليك الوسيعه غـن .. ] .. !!

[خديجة إبراهيم]

صحيح اني انسى الحوادث
والملامح والاسامي..
لما أكتب عن غرامي ..
شعر ابعد ما يكون عن مجرد
جرح دامي ..
يمكن أقرب للجنــون...
من تفاصيل الحكاية..
الاساور والمرايه..
عندي همــوم القصيده
غامضه صعبه عنيده..
وانت عاشق للوضــوح ..
ودك بسري ابوح..
و انا اخر همي بــوحي
اعبر الشارع ...
في الرصيف الثاني قهوه
فيها اربع طاولات ..
وحده اجلس فيها وحدي ..
وحده للي بيجي بعدي ..
وحده لأغلى حرف عندي..
أما اخر وحده دايم للي فات..
من هموم وذكريات ..
زحمة لكن كل من في القهوه ربعي
كلهم دمي و دمعي
ليه ما تجلس مكاني
وهذا شوفي وهذا سمعي
اطلب اقلام ودفاتر ..
وحاول اكتب عن شعور ..
لاهو ظلما ولا هو نور ..
قلب مابين السطور ..
وانا اكتب اغنيه مثل الرسايل
كنت اكذب ..
والخيال العذب كذب ..
كنت لازم اخفي سري و ما اقول
ان هالمره قصيدي
هو خيالات الحقــول
تطرد اسراب الطيور
عن حقيقه عن شعور ....
ما هو في ذهب السنابل ..
انما تحت الجذور ..
كســـروا العشـاق بابي ...
قطعوا لحمي ثيابي..
وخلعوا الادراج ..
طاحت مزهرياتي الجميله
شققوا جفني كتابي
وسألوا
وين الجديله..؟!!
ودمعة العين الكحيله
مالقوا في بيتي الا ..
ومالقوا في صدري الا ..
ومالقوا في قلبي الا ..
امنياتي المستحيله ..
واني احـلم
بــس احلــم ..


للشاعر بدر بن عبدالمحسن