دخيل ربّك صدر هذا الفضا ضاق

[عبدالله سماح المجلاد]

يرهقني برد الشتاء فأتغطى بالشعر بعد أن فقدت عينيك

كلّي لكلّك يا غلا الروح مشتاق
ـــــــــــ ليتك بكفّ الْوصل للضيّق تجلي
وصبحي يفتش عنك ياشمس الاشراق
ــــــــــ وزرعي نِشَدْ شَمْسَكْ ،متى تنبلج لي
ليتك سِمَعْت الجذر بتراب الاعماق
ــــــــــ يا لْمَبْسَمْ اللّي من زِمَنْ مَاهَرَجْ لي
يقول لك صيف العطش يبّس الساق
ـــــــــ ومن وين ما وَجّهْت وجهي خرج لي
يحكي بحرقه عن عطش خضر الاوراق
ــــــــ ويقول هِلّي: ديمة الوصل لاجلي
أزرى يدوّر : مــا : وغيمــه : وبرّاق
ــــــــ وثغرك:شحيح،وناعس الطرف خجلي
من كثرة اسفاري تعب جسم الأشواق
ــــــــ وقلبي يسابق لك على الدرب رجلي
دخيل ربك : صدر هذا الفضا ضاق
ــــــــ فيني : وعيّت ضيقتي تنفرج لـي
إلى متى والشوق يحرقني احراق
ــــــــ إلى متى قلبك من الوصل وجلي
أدْمَت خدود العاطفه صفعة افراق
ـــــــ وانتي سرى بك ليل الاوجاع عجلي