أغـرب عـشـق بالعـمـر

[هجاج الوسوس]

آآآه ياليل التباريح..لو جمر الجوى
يشتهيه البرد..لاناح بالشباك ريح
كل مالديت للدرب..وأديار النوى
بأنهي أغرب عشق بالعمر
وأرحل وأستريح
شلّ رجلي..بحة الناي..مهدود القوى
والجريح..
اللي رجا دواه من نصل ٍ جريح!
في عيونه شرهة الحزن..في ليل الطوى
وبعيوني عذر الأقدار..والعلم الصريح
موطن أحلامي..
على عروش حرماني خوى
لو تبسم له محياي..خفّاقي يصيح
قلت له: عمري شقا. قال: نشقابه سوى
قلت له: حملي حمل. قال: ونقوم ونطيح
قلت له: وقتي قحط..وأنت ضاري لـ الروى
خااايف الدمعه..يجي يوم في كحلك تسيح
طااال شرحي..لين هو قال:
(تكفى كل هوى)
جنة الدنيا بلياك..بعيوني ضريح
.