~ ~طيف الموادع~ ~

[ديم]

للحب / لكم

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استدار وحلم عمري في يدينه ثم راح=والودايع في خفوقه شوق و آمال و طموح

وين انادي والدروب اهداب والنظره رياح=والضبابه في عيوني دمع والبارق يلوح

آه ياطيف الموادع .. و آه ياحلم الصباح=و آه ياقلب ٍ يراوح من جروح اليا جروح

آخر العهد اعتذاره و التحلل و السماح=باحه الله كيف يرجي خافق ٍ ماهو سموح

ليتها اقدام العطايا ما وطت صدر الجراح=يوم حظي به يمنن والقدر عجل وسروح

ليتها اقداره تهادت لين ما أسقيه القراح=واسقى عمر ٍ جف دمه يوم جاني من ينوح

ليتني بيّحت سدي له ولا طال المزاح=يوم ضحكاتي نديه .. والفرح طبعه مزوح

كنت بحكي عن وداده ساعة العمر استراح=كنت بعطيه اعترافٍ كنت في بذله شحوح

كنت بعلنها (( أحبك )) واكسر اغرور الرماح=واكسر الهيبه في صدري وانثني عنده وابوح
بس حلمي في خفوقه .. واستدار الحلم .. راح=والودايع في يدينه مقفيه مع من يروح[/poem]