*
وان لمحت الصوره فالبرواز روح
....... جات تتهادى قبل ماانطق ( تعي
سولفي لي) والبسي الكلمات بوح
....... انزعي صمتك أبيك لمدمعي
وينسكب بي عطر ( طفله ) للنزوح
....... وارجع استذكر كلام بـ مخدعي :
الغياب ؟ وقلت قتالٍ يفوح :
....... بعطر موتٍ بارد بليا نعي
الطعون ؟ وقلت خطواتٍ تنوح
....... ( ما قتل صبري على يد جزعي
غيرها ) .. قالت : شتعريف الجروح ؟
....... قلت : تغريبك .. و .. تقليب وجعي
العمر ؟ قلت : الطريق بلا طموح
....... الحياه ؟ وقلت : ( لو انك معي
كل ساعه ) واتمايل تقل دوح
....... لين يقطر ماك من راس اصبعي
وآتبلل فيك يالوجه الصبوح
....... وانثر امالي على قد طمعي
غامضٍ مالي شبيه الا الوضوح !
....... واعيٍ مالي علاقه بالوعي !
مكرم الاحلام بالوقت الشحوح !
...... ساكنٍ والريح .. تسعى بي سعي !
قلت : ـ والشوق يتصافق بي لحوح
....... زين جيتي .. مابغيتي ترجعي
ماتصورتك كذا .. قالت : انوح ؟
....... ياااخي كافي .. فز لحظه لدلعي
يالله استأذن انا الحينه بـ اروح
...... قلت لحظه , بس لحظه , وإسمعي :
من عرفتك واهدى آلامي جموح
....... كل مااعسفه تلاطم بـ اضلعي
مابقى بي حيل يالاه الفضوح
....... كل ضلعٍ .. مندفن فيه سنعي
كان ماودك معي تبقين روح
....... طالبك لا لا تخليني معي
وكان صعبه .. غيبي لحد الجروح
....... بس أول ماتغيبين : إرجعي
آخر المشاركات
11-08-2006, 06:36 PM
طـفـلـه
العرض الشجري