لعلّي أبلغُ الأسباب .!

[محمد يسلم]

مساحاتُكم أبعادْ، وكل ما فيكُم نبضٌ لأجملِ الأعيادْ،
لكم لكل ما أشعرُ بإنتمائي لهُ من خلالكُم.!

.

[POEM="font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
طبيعي.. لا عرفتيني كرهتيني بدون أسباب=لأني من كثر أَنّي بكى حرفي وغنّيته
تواريت بخجل في دفترٍ ضمّ الحزن مرتاب=كبر في داخلي عصفور شاب ولا لقى بيته
أنا الطفل الوحيد اللي شكَت من ضيمه الألعاب=وأنا العمر البعيد اللي تلاشى ما تهقويته
أنا يا عاشقة ماني كلام وثرثرة ف كتاب=ولاني حرف مُهمل تتعِب أعصابك تِهجيته
أنا ما جيت قدّيسٍ يدَرْوِشْهِ الهوى الغلاب=ولا جيت الهوى عابث فـ حضنٍ .. لوّ تمنيته
لقيته صدر في سحّابةٍ تتمايل ف عنّاب=وانا أَلثِم؛ واثَر عنّابها جرح إستلذّيته
أنا الأول ف عينك لو تخبيني ورى الأهداب=سكبْت فصحة عيونك خمر والدمع ألغيته
أنا طلّيت لك بابٍ، وتسأل وش وراه الباب؟=ما غير غْياب رجلٍ ذاب في قلبك وهدّيته
تنحى الثقل في صدره وكحّ من القهر زرياب=كثر ما دندن بعود الرحيل و دنّ... وصّيته
دخيلك إبنِ لي صرحاً لعـلّي أبلغُ الأسباب .!=واشوف الغيب وش خبّى لقلبي قبل ما ريته
مشيت ف أروِقة غيم وتحفّيت الهَزيم عتاب=وانا عتابك تهندم بين ضلعيّ وتخطّيته
لجل عينكْ.. تحنجرت أحتوي ريقك وهو يغتاب=أشكّل من وتر صوتي لحن لِه ريشيِ أرخيته
أنا لو كنت بك حبّاب، ماني لك ملَك نصّاب=ولو كنت الملك وحدك// ملَك وحدِك وأشقيته ..!
يهزّ الجذع يتساقط غياب ويعتريه غياب=يشذّ ف ما حوت من ذاكرةْ حزنه توابيته
بدون أسباب دامنّك عرفتيني.. (بدون أسباب=كرهتيني..) وقبل أرحل خذي عمرٍ لك أهديته

[/POEM]

مايو/2008

م/ي